| e-texts navigator |
| Wylie |
334b1 ཕྱིར་ཞིང་བཟང་སྟེ། ས་ཐོབ་པ་དང་། གྲུབ་པ་ཐོབ་པ་མང་བར་འབྱུང་ཞིང་། དེ་ལ་དར་ནུབ་ཀྱང་མི་འབྱུང་བར་རྒྱུ་འབྲས་ཀྱི་ཆོས་གང་ལ་དད་པ་རེས་ཀྱིས་ལོ་སྟོང་ཕྲག་གསུམ་དུ་གནས་པར་འགྱུར་རོ།། དེ
334b2 ནས་ཐམས་ཅད་གཏོར་གཞོང་ཡང་ཆོས་ཉིད་དུ་བསྡུས་ཏེ་སྲིད་པ་ཞིག་གོ། གཏོར་མའི་རྫས་སྐྱེ་འཁྲུངས་ཀྱང་སྐྱེ་བ་མེད་པར་གསོལ་ཏེ་དེངས་སོ།། གཏོར་མགྲོན་ཡང་རིག་པ་གཅིག་གི་དཀྱིལ་འཁོར་དུ་འདུས་ཏེ
334b3 འཕྲོས་སོ།། དེ་ཡང་གཏོར་མའི་རང་བཞིན་ལ་མ་རིག་མ་རྟོགས་པ་ལ་སྐྱེ་བོའི་ཆོ་འཕྲུལ་གོང་མ་ལྟར་དུ་སྣང་ངོ་།། ཡང་དག་པའི་ཆོས་ཉིད་གཏོར་མ་འདི་རིག་ཅིང་རྟོགས་ན། དེ་གང་དུ་ཡང་གྲུབ་ཅིང་བསྟན་པ་མེད་ལ།།
334b4 ལྷུན་གྱིས་གྲུབ་པ་གཏོར་མ་རང་བཞིན་མེད་པའི་ཡེ་ཤེས་སུ་གནས་སོ།། གཏོར་རྒྱུད་ཆེན་པོ་ལས། གཏོར་མའི་རིམ་པ་བྱུང་བའི་ལེའུ་སྟེ་སོ་དྲུག་པའོ།། །། དེ་ནས་རྡོ་རྗེ་སེམས་དཔས་ཐམས་ཅད་གཏོར་མའི་རང
334b5 བཞིན་ལ། འཁྲུལ་པས་ཆགས་འཛིན་དུ་མཐོང་བ་ལ། སྙིང་རྗེ་བའི་སེམས་སྐྱེས་ནས། འཕོ་འགྱུར་བྲལ་བའི་དབྱིངས་སུ་འབུལ་བའི་གཏོར་མ་འདི་སྐད་ཅེས་གསུངས་སོ།། ཧཱུཾ་མ་རིག་འཁྲུལ་པའི་རྫས་སུ་སྣང་བ
334b6 ལ།། འཛིན་ཆགས་བྱིས་པའི་སྤྱོད་པས་སོ་སོར་སྣང་།། བག་ཆགས་བརྟས་པའི་དབང་གིས་བཅིངས་པ་རྣམས།། འབར་བྱེད་ཆེན་པོའི་ཀློང་དུ་གཤེགས་སུ་གསོལ།། བཅོམ་ལྡན་དཔལ་ཆེན་ཆེ་མཆོག་ཧེ་རུ་ལ། རྒྱུད
iiif viewer powered by OpenSeadragon
