| e-texts navigator |
| Wylie |
333b1 ལས། ཁམས་གསུམ་དུ་སྲིད་དེ་གཉིས་སོ།། དེ་ནས་གཏོར་མའི་རྫས་གོལ་བ་ལས། གཟུགས་དང་ཁ་དོག་དང་དབྱིབས་དང་ཐ་དད་པར་སྣང་བ་ནི། བཞི་དང་བཅུ་གཉིས་སོ།། དེ་ནས་གཏོར་མའི་མགྲོན་གོལ་བ
333b2 ལས། སྐྱེ་འགྲོ་དང་སྣོད་གོལ་བ་ལས་སྣོད་ཀྱི་འཇིག་རྟེན། རྫས་གོལ་བ་ལས་རྩི་ཤིང་དང་ནགས་ཚལ་ལ་སོགས་པར་གནས་པ་ལ། ཁམས་གསུམ་སྲིད་གསུམ་ཞེས་འདོགས་སོ།། དེ་ལྟར་སྟོན་པའི་གཏོར་མའི་ཏན་ཏྲ
333b3 འདི་གང་ཡིན་པ་ནི་ཀུན་ཏུ་བཟང་པོ་ལ། གང་ལས་སྤྲོས་པ་ཀུན་ཏུ་བཟང་མོ་ལས་སྤྲོས་པ་འདི། དང་པོ་རྒྱ་གར་ཡུལ་དུ་དར་བར་འགྱུར་རོ།། དེ་ནས་ཀྱང་སིང་ག་ལའི་ཡུལ་དུ་དར་བར་འགྱུར་བ་ལ། ལོ་ལྔ་བརྒྱར
333b4 གནས་སོ།། དེ་ནས་ལོ་ཉིས་བརྒྱ་ནས་ནུབ་པར་འགྱུར་རོ།། དེ་ནས་ལོ་སུམ་བརྒྱ་ལ། ཨུ་རྒྱན་ཡུལ་དུ་དར་བར་འགྱུར་རོ།། དེ་ནས་ལོ་བརྒྱ་ལ། རྒྱ་གར་དང་། ཨུ་རྒྱན་དང་། སིང་ག་ལ་དང་། ཟ་ཧོར་ཡུལ་དང་། བྲུ
333b5 ཤའི་ཡུལ་དང་། ལི་ལ་སོགས་པའི་རྒྱལ་ཁམས་དྲུག་ཏུ་གྲགས་པར་འགྱུར་ཏེ། སྐུ་ལུས་མ་བོར་བར་ཕྱག་རྒྱ་ཆེན་པོའི་རིག་འཛིན་གྱི་གནས་སུ་སངས་རྒྱས་པར་འགྱུར་རོ།། དེ་ནས་ལོ་ལྔ་བརྒྱ་ན་གཏོར་མའི་ཆོས་འདི
333b6 ནུབ་ནས། རྒྱུའི་ཆོས་དར་བར་འགྱུར་རོ།། དེ་ནས་ལོ་བརྒྱ་ལ་རིག་པ་ཅན་ལ་སོགས་པ་རྣམས་ཀྱིས། གསང་སྔགས་འབྲས་བུས་ཆོས་དང་། གཏོར་རྒྱུད་རྣམས་སྔོན་གྱི་དཔེ་རྙིང་པ་ལས་དར་བར་འགྱུར་ནས། དེས
iiif viewer powered by OpenSeadragon
