| e-texts navigator |
| Wylie |
333a1 མ་གཡོས་པ་ལགས་ན། གཏོར་མའི་ཆོས་ཉི་ཚེའི་བསྟན་པ་ཡུལ་གང་དུ་འབྱུང་། དར་བ་དང་། ནུབ་པ་དང་། ལེགས་ཉེས་མཆིས་མ་མཆིས། བདེ་བར་གཤེགས་པས་ལུང་བསྟན་དུ་གསོལ།། བཅོམ
333a2 ལྡན་འདས་ཀྱིས་བཀའ་སྩལ་པ། གཏོར་མའི་རང་བཞིན་དུ་ཅི་ལྟར་སྣང་བ་ཐམས་ཅད་འགྱུར་བ་མེད་པ་ལས། ལོགས་སུ་བསྟན་པ་ནི་དཀའ་བ་སྟེ། བཤད་ཅིང་བསྟན་པ་མེད་ན་ཡང་། དཔེར་ན་ནམ་མཁའ་ལ་འགྱུར
333a3 བཔ་མེད་པ་ལ། གཟའ་སྐར་དང་ཚེས་གྲངས་དང་ལོ་ཟླ་དང་དབྱར་དགུན་དུ་བརྩི་ཞིང་འགྲང་བ་དང་འདྲ་སྟེ། ཆོས་ཉིད་ནི་དུས་གསུམ་དུ་འགྱུར་བ་མེད་པ་ཡིན་ལ། ཆོས་ཅན་ཅི་ལྟར་ཡང་གྲངས་དང་རྟགས་སུ་སྣང་བ་ནི
333a4 འདི་ལྟ་སྟེ། ཆོས་ཐམས་ཅད་ནི་མ་སྐྱེས་པའི་དབྱིངས་ཡིན་ལ། དེ་ལས་ཆོས་ཀྱི་སྒོ་ཡང་བསམ་གྱིས་མི་ཁྱབ་པར་སྣང་ཡང་། ཐར་པ་ཆེན་པོའི་གནས་སུ་གཅིག་ཅིང་དབྱེ་བ་མེད་པས་ཆོས་ཐམས་ཅད་འབྲས་བུར་འདུས
333a5 སོ།། འབྲས་བུའི་ཆོས་ཀྱང་གཏོར་མར་འདུས་སོ།། དེ་ལྟ་བས་ན་ཐམས་ཅད་དུ། གཏོར་མའི་རང་བཞིན་དུ་གནས་པ་ལས། འཁྲུལ་པ་ཙམ་གྱིས་མཚན་མར་སྣང་བ་ནི། གཏོར་མ་ལོག་པར་གོལ་བ་ནི། དུས་དང
333a6 བསྐལ་པ་དང་བགྲང་བ་ཤ་སྟག་འབྱུང་བ་འདི་ལྟ་སྟེ། དང་པོ་གཏོར་མའི་རྒྱུ་ལ་ཆགས་པའི་བསྐལ་པ་དང་། སྲིད་པར་འདོགས་པ་མས་ཆགས་པ་བཞི་དང་ལྡན་པས་གཅིག་གོ། དེ་ནས་གཏོར་མའི་མགྲོན་གོལ་བ
iiif viewer powered by OpenSeadragon
