| e-texts navigator |
| Wylie |
332b1 རྒྱལ་ཁམས་མཐའ་དག་ཏུ་འབྱུང་བར་འགྱུར་རོ།། སྔར་གྲུབ་པ་ཐོབ་པ་དང་། ཕྱིས་གྲུབ་པ་ཐོབ་པ་རྣམས་ཀྱིས། གཡའ་རི་དང་གངས་རྒྱུད་ཀྱི་དྲེགས་པ་ཅན་ཐམས་ཅད་དམ་ལ་བཏགས་ནས་གཏོར་མ་བྱིན་ཏེ། གསང
332b2 སྔགས་འབྲས་བུའི་ཆོས་སྤྱོད་པའི་སྲུང་མར་ཁས་འཆེས་སོ།། རྒྱལ་ཁམས་ཀུན་ཏུ་ཡོད་བདེ་བ་འཕེལ་ཞིང་ཉེས་པ་ཤས་ཙམ་ཡང་མི་འབྱུང་ངོ་།། དེ་ནས་ལྔ་བརྒྱ་བདུན་པའི་ཐ་མ་ལ། རྒྱ་དང་བོད་ལ་གསང་སྔགས་སྤྱོད
332b3 པའི་པཎྜི་ཏ་མཁས་པ་མང་དུ་འབྱུང་སྟེ། ལོག་པའི་ཆོས་དང་མུ་སྟེགས་ལ་སོགས་པ་སུན་ཕྱུང་སྟེ། གཏན་སངས་རྒྱས་ཀྱི་བསྟན་པ་ལ་རྒོལ་བའི་སྐབས་མེད་པར་འགྱུར་རོ།། གསང་སྔགས་འབྲས་བུའི་ཆོས་ལས་ཀྱང
332b4 ལུང་དང་མན་ངག་གི་ཕྱོགས་ཐམས་ཅད་ཀྱང་རྒྱས་ཤིང་འཕེལ་བར་བྱེད་དོ།། དེ་ལ་གྲུབ་པ་ཐོབ་པ་དང་། མཐུ་བྱིན་དང་ལྡན་པར་གྲངས་ཀྱིས་འབྱུང་བར་འགྱུར་རོ།། དེ་ལ་གཉིས་སུ་ཡང་གྱུར་པ་མེད་དོ།། དེ་ཅིའི
332b5 ཕྱིར་ཞེ་ན། ཆོས་ཐམས་ཅད་ཆོས་ཉིད་འདུས་མ་བྱས་ཀྱི་གཏོར་མ་ལས། གཞན་གང་དུ་ཡང་འགྱུར་བ་མེད་དོ།། གཏོར་རྒྱུད་ཆེན་པོ་ལས། བསྟན་པ་དང་ནུབ་ཀྱི་ལེའུ་སྟེ་སོ་ལྔ་པའོ།། །། དེ་ནས་ཡང་རྡོ་རྗེ་སེམས
332b6 དཔས་འདི་སྐད་ཅེས་གསོལ་ཏོ།། བཅོམ་ལྡན་འདས་ཆོས་ཐམས་ཅད་གཏོར་མར་འདུས་ལ། གཏོར་མའི་རང་བཞིན་མ་གཡོས་པ་ལས། དེ་ལྟར་སྣང་འགྱུར་ལས། སྣང་ཞིང་འགྱུར་ཙམ་ན། གཏོར་མའི་ཆོས་ཉིད་ལས
iiif viewer powered by OpenSeadragon
