| e-texts navigator |
| Wylie |
330b1 བརྒྱ་བཞི་པ་ལ། འདུལ་བའི་ཤས་ཕྲན་ཚེགས་དར་བར་འགྱུར་ལ། མུ་སྟེགས་དང་སངས་རྒྱས་ཀྱི་བཀའ་གཉིས་ལོ་ཉིས་བརྒྱར་རེས་བཟུང་ནས་སྤྱོད་པར་འགྱུར་རོ།། ལོ་སུམ་བརྒྱ་ལ་མུ་སྟེགས་དར་ནས་སངས་རྒྱས
330b2 ཀྱི་བསྟན་པ་ཕྱེད་ཤས་ནུབ་པར་བྱས་ཏེ། འཇིག་རྟེན་གྱི་འདྲེ་སྲིན་མང་བར་འཕེལ་ཏེ། རྒྱ་གར་གྱི་ཡུལ་ན་གླེགས་བམ་གྱི་ཆོས་རྣམས་རྒྱ་ནག་པོའི་ཡུལ་རྣམས་སུ་འགྲོ་ཞིང་། དེའི་རྒྱལ་ཁམས་ཐམས་ཅད་མུ་སྟེགས
330b3 ནག་པོའི་ལས་ཀྱིས། བོད་ཡུལ་དང་མོན་ལ་སོགས་པ་ཡུལ་གྱི་རུ་མཚམས་རྣམས་སུ་འཕྱོ་ཞིང་འཁྲུག་པ་དང་། འཕོ་འཕྲུགས་ཀྱི་ལས་དང་། སྡུག་བསྔལ་ལོ་བརྒྱར་གནས་པར་འགྱུར་རོ།། དེ་ནས་ལོ་བཞི་བརྒྱ་ལ།
330b4 སའི་བྱང་ཆུབ་སེམས་དཔའ་རྣམས་ཀྱིས་སྤྲུལ་པ་ལས། ཆོས་སྐྱོང་བའི་རྒྱལ་པོ་དང་། འཕགས་པའི་ཁོངས་སུ་གཏོགས་པའི་གང་ཟག་རྫུ་འཕྲུལ་ཡ་མ་ཟུང་དང་ལྡན་པས་མུ་སྟེགས་རྟག་ཆད་ཀྱི་ལྟ་བ་སུན་ཕྱུང་ཞིང
330b5 བཏུལ་ལོ།། དེའི་ཚེ་མུ་སྟེགས་བསྟན་པ་ནུབ་ཅིང་སངས་རྒྱས་ཀྱི་བསྟན་པ་འཕེལ་བ་ཡང་བྱེད་དོ།། དེ་ནས་ལོ་ལྔ་བརྒྱ་ལ་དད་པ་ཅན་དང་སྐལ་ལྡན་མཁས་པའི་ལོ་ཙ་བ་མང་དུ་བྱུང་ནས། སྡེ་སྣོད་ཀྱི་ཆོས་མང་པོས
330b6 ཁྱབ་ཅིང་རྒྱལ་ཁམས་མཐའ་དག་ཏུ་དར་ཞིང་རྒྱས་ཏེ། གླེགས་བམ་ལ་སོགས་པ་ལ་མཆོད་ཅིང་བཀུར་སྟི་བྱེད་པར་འགྱུར་རོ།། ཡུལ་བར་ཏ་ནི་ནས་ཨུ་ཏྲོ་དང་། སིང་ག་ལ་དང་བོད་ཀྱི་ཡུལ་ལ་སོགས་པ་རྣམས་སུ་རྒྱས
iiif viewer powered by OpenSeadragon
