| e-texts navigator |
| Wylie |
330a1 གསང་བ་ན་དར་ཞིང་སྤྱོད་པར་བྱེད་དེ། བློ་རྩལ་དང་ལྡན་པ་འགས་ཀྱང་འཕྲིགས་ཤིང་རྒྱས་པར་འགྱུར་རོ།། དེའི་ཚེ་རྒྱལ་ཁམས་སུ་འཁྲུག་པ་དང་། རིགས་ནད་དང་། མུ་སྟེགས་ཀྱི་རྒོལ་བ་ལ་སོགས
330a2 པ་བདུད་ཀྱི་བར་ཆད་ཁམས་གཅིག་འབྱུང་བར་འགྱུར་རོ།། དེ་ནས་ལྔ་བརྒྱ་གསུམ་པ་ལ། དཔལ་ཆེན་པོའི་ཐུགས་ཀྱི་སྤྲུལ་པ་ཞིག་ཨུ་རྒྱན་གྱི་ཡུལ་དུ་འབྱུང་ནས། དེས་གསང་སྔགས་འབྲས་བུའི་ཆོས་སྔོན་གྱི་གླེགས
330a3 བམ་དུ་བཞུགས་པ་དང་། དབང་མི་བཟའ་བའི་རྒྱུད་ཀྱི་རིམ་པ་མནོས་ནས། ཨུ་རྒྱན་དང་ཟ་ཧོར་དང་། བལ་པོ་དང་ལི་ལ་སོགས་པའི་རྒྱལ་ཁམས་དྲུག་ཏུ་གྲགས་ཤིང་འཕེལ་བར་འགྱུར་ཏེ་དེའི་ཚེ་ཆོས་སྤྱོད་པ་རྣམས
330a4 ཀྱིས་མུ་སྟེགས་དང་ལོག་པའི་ཕྱོགས་ལོག་པ་ཚར་གཅོད་པ་དང་། འདུད་དང་སྲིན་པོ་ཐམས་ཅད་གཏོར་མས་དམ་ལ་འདོགས་པ་དང་། ཐམས་ཅད་ཀྱང་རྩ་བའི་གཏོར་མ་འདི་དང་དུ་ལེན་ཅིང་ཚོམ་བུའི་རིགས་བསམ
330a5 གྱིས་མི་ཁྱབ་པ་ཀུན་ཚེ་ལོ་བསམ་གྱིས་མི་ཁྱབ་པ་ཐུབ་པར་འགྱུར་ཞིང་།། ཕོ་དང་མོའི་རིགས་ལུས་མ་བོར་བར་ཕྱག་རྒྱ་ཆེན་པོའི་གནས་སུ་སངས་རྒྱས་པར་འགྱུར་རོ།། དེའི་ཚེ་དུས་བཟང་ཞིང་རྒྱལ་ཁམས་ཡོངས་སུ
330a6 ལེགས་པ་མཐའ་དག་འབྱུང་ཞིང་ཉེས་པ་སྣ་འགའ་ཙམ་ཡང་མི་འབྱུང་བར་གནས་པར་འགྱུར་རོ།། དེ་ལས་ཀྱང་བལ་པོའི་ཡུལ་དུ་ཟབ་ཅིང་རྒྱས་པར་གྱུར་ཏེ། དེ་དག་ཀྱང་གྲུབ་པ་ཐོབ་པ་དེ་བཞིན་ནོ།། དེ་ནས་ལྔ
iiif viewer powered by OpenSeadragon
