| e-texts navigator |
| Wylie |
328a1 དད་པར་མཐོང་། ལ་ལས་བདེ་སྡུག་གི་དོན་སོ་སོར་སྣང་བར་མཐོང་། དེ་ལྟར་མཐོང་ཡང་དེ་ལྟར་སྟོན་ཅིང་དེ་ལྟར་འབྱུང་བ་ནི་གང་ཡང་མེད་དོ།། དེ་ཅིའི་ཕྱིར་ཞེ་ན། སྐྱེ་བ་མེད་པ་ལ་སྐྱེ་བའི་ཆོ་འཕྲུལ
328a2 དུ་སྣང་བའོ།། གཞན་ཡང་ལ་ལ་ནི་ཉན་ཐོས་རྣམས་ཀྱིས་བསྡུས་པར་མཐོང་ངོ་།། དེ་ལ་ཡང་གྲངས་བསམ་གྱིས་མི་ཁྱབ་པར་མཐོང་ངོ་།། ལ་ལས་བྱང་ཆུབ་སེམས་དཔའ་རྣམས་ཀྱིས་བསྡུས་པར་མཐོང་ངོ་།། དེ་ཡང
328a3 རིས་བསམ་གྱིས་མི་ཁྱབ་པར་མཐོང་ངོ་།། ལ་ལ་ནི་རིགས་ལྔ་རྣམས་ཀྱིས་བསྡུས་པར་མཐོང་ངོ་།། དེ་ལ་ཡང་རིགས་བསམ་གྱིས་མི་ཁྱབ་པར་མཐོང་ངོ་།། ལ་ལ་ཀུན་ཏུ་བཟང་པོ་ཉིད་ཀྱིས་བསྡུས་པར་མཐོང་ངོ་།། དེ
328a4 ལ་ཡང་རིགས་བསམ་གྱིས་མི་ཁྱབ་པར་མཐོང་ངོ་།། དེ་ལྟར་མཐོང་ཡང་སྟོན་པ་མེད། སྡུད་པ་མེད། བསྡུས་པ་མེད། མཐོང་བ་མེད། མ་མཐོང་བ་མེད། དེ་ཅིའི་ཕྱིར་ཞེ་ན། སྐྱེ་བ་མེད་པ་ལས་ཆོ་འཕྲུལ་འབྱུང་བ་ཡང
328a5 མ་གཡོས་པའོ།། གཞན་ཡང་ལ་ལས་བསྟན་པ་གོང་དུ་བྱུང་བར་མཐོང་ངོ་།། ལ་ལས་ཡེ་མ་མཐོང་ངོ་།། ལ་ལས་བསྟན་པ་རབ་འབྱུང་བར་མཐོང་ངོ་།། ལ་ལས་མ་མཐོང་ངོ་།། ལ་ལས་བསྟན་པ་ཕྱིས་འབྱུང་བར
328a6 མཐོང་ངོ་།། ལ་ལས་མ་མཐོང་ངོ་།། ལ་ལས་ཤོག་ཤོག་དཀར་པོ་ལ་སྣག་ཚ་ནག་པོས་བྲིས་ནས་གཙུག་ལག་ཁང་ཆེན་པོ་ན་བཞུགས་ཤིང་སྤྱོད་པར་མཐོང་ངོ་།། ལ་ལས་མ་མཐོང་མ་ཐོས་སོ།། ལ་ལས་གྲོང་ཁྱེར་ན
iiif viewer powered by OpenSeadragon
