| e-texts navigator |
| Wylie |
327a1 གསུམ་ཁྱབ་པར་གཏོར།། གཏོར་རྒྱུད་ཆེན་པོ་ལས། ཚོགས་ཀྱི་མཆོད་པའི་ལེའུ་སྟེ་སོ་བཞི་པའོ།། །། དེ་ནས་རྡོ་རྗེ་སེམས་དཔས་འདི་སྐད་ཅེས་གསོལ་ཏོ།། བཅོམ་ལྡན་འདས་ཡབ་ཀུན་ཏུ་བཟང
327a2 པོ་མི་མཁྱེན་དགུ་མཁྱེན་པ་དང་། ཡུམ་ཀུན་ཏུ་བཟང་མོས་མི་གཟིགས་དགུ་གཟིགས་པས། ཚོགས་དང་གཏོར་མ་ལ་སོགས་ཏེ། ཅི་ལྟར་སྣང་བའི་ཆོས་འདི་དག་ཐམས་ཅད་དང་པོ་ནས་ཅི་ལྟར་ལགས། འཁྲུལ་པ
327a3 ཅི་ལྟར་ལགས། ད་ལྟ་ཆོས་ཐམས་ཅད་ཅི་ལྟར་གནས། འཁྲུལ་པ་ཅི་ལྟར་གནས། ཕྱིས་ཆོས་ཐམས་ཅད་ཅི་ལྟར་འགྱུར། འཁྲུལ་པས་ཅི་ལྟར་འགྱུར་བ་ལུང་བསྟན་དུ་གསོལ།། ཡབ་གཅིག་ལུང་བསྟན་དུ
327a4 གསོལ།། བཅོམ་ལྡན་འདས་ཀྱིས་བཀའ་སྩལ་པ། སེམས་དཔའ་ཆེན་པོ་ཅི་ལྟར་སྣང་བའི་ཆོས་ཐམས་ཅད། སུས་ཀྱང་མ་བྱས་མ་བཅོས་མ་སྐྱེས་མི་འགག། སྐྱེ་བ་མེད་པ་ཡིན་ལ། འཁྲུལ་པས་རྒྱུ་འབྲས་དང་། ཆགས
327a5 འཛིན་དུ་སྣང་ངོ་།། ད་ལྟར་ཆོས་ཐམས་ཅད་མི་དམིགས་མི་གཡོ་བའི་རང་བཞིན་ལ། འཁྲུལ་པས་ང་དང་གཞན་དུ། ཕྱི་དང་ནང་དུ་སྣང་ངོ་།། ཕྱིས་ཆོས་ཐམས་ཅད་མི་འཕོ་མི་འགྱུར་བའི་རང་བཞིན་ལ། འཁྲུལ་པས
327a6 བཟང་ངན་དང་ཆེ་ཆུང་དང་ཕྱོགས་རིས་སྐྱེ་ཞིང་བལྟ་བ་འདི་ལྟ་སྟེ། སངས་རྒྱས་དང་སེམས་ཅན་ཐམས་ཅད་ཀུན་ཏུ་བཟང་པོའི་ངང་ཉིད་དུ་གནས་པ་ལ། སུ་ཡང་མ་ཡིན། སུ་ཡང་མི་གནས། སུ་ཡང་མི་གསུང་། སུས
iiif viewer powered by OpenSeadragon
