| e-texts navigator |
| Wylie |
325b1 རྣམ་ཤེས་དྲོངས། བསྡམས་ཤིང་ཁུག་ལ་ཚོགས་ལ་བསྟིམས།། ཨང་ཀུ་ཤ་ཛ་ཛ་ཞེས་བརྗོད་པས།། འགྲོ་བ་རིགས་དྲུག་གི་རང་རང་གི་སྙིང་པོ་དྲངས་ལ། ཚོགས་ལ་བསྟིམས་ལ། རཾ་ཡཾ་ཁཾ་གིས་བསྲེག་སྦྱངས་ཚུལ
325b2 བཞིན་བྱས་ལ། གཡས་པ་ཡ་མཱནྟ་ཀའི་སྐུ་ལས། མུ་ལས་འཇམ་དཔལ་གྱི་རལ་གྲི་རྣོན་པོར་བསམས་ནས། བསྒྲལ་བའི་ཚིག་འདི་སྐད་བརྗོད་དོ།། ཧཱུཾ་གཡས་པ་ཡ་མཱནྟ་ཀ་སྟེ།། གསོད་པའི་ལས་ལ་ཤིན་ཏུ
325b3 བརྩོན།། འཇམ་དཔལ་རལ་གྲི་རྣོན་པོ་ཡིས།། མི་ཤེས་སྒྲིབ་པའི་དྲ་བ་གཅོད།། འཇམ་དཔལ་སྔོན་པོ་དཔལ་གྱི་ཞིང་།། བྱམས་དང་སྙིང་རྗེ་གོ་བགོས་ཏེ།། རལ་གྲི་ཨུཏྤལ་སྔོན་པོའི་སོ་འདྲ་བས།། མ་རིག་པ་ཡི
325b4 སྦུབས་བཅོམ་སྟེ།། འཁོར་བའི་དྲ་བ་རྒྱུན་བཅད་ནས།། དུག་ཀྱང་ཡེ་ནས་སྨན་དུ་མཛད།། འདི་ནི་ཞེ་སྡང་རྣམ་པར་དག། བསད་པ་འབའ་ཞིག་ལས་སུ་རུང་།། སྙིང་རྗེས་བསྒྲལ་བའི་དམ་ཚིག་ཡིན།། པྲ་བེ་ཤ་ཡ་ཕཊ
325b5 ཅེས་བརྗོད་པས། བསྒྲལ་བའི་བསམ་རྒྱུད་ཚུལ་བཞིན་དུ་བྱས་ལ། འཇམ་དཔལ་གྱིས་གཏུབས་ལ། དང་པོ་ཕུང་དང་རྣམ་པར་ཤེས་པ་དང་། ཕུང་པོས་ཐུགས་དམ་བསྐང་ཞིང་དངོས་གྲུབ་གསོལ་བ་འདི་སྐད་དོ།། ཧཱུཾ།
325b6 ཁྲག་འཐུང་ཆེན་པོའི་དཀྱིལ་འཁོར་ནས།། འཇིགས་བྱེད་ཁྲོ་བོའི་ཚུལ་སྟོན་པ།། དཔལ་ཆེན་དགུ་དང་ཡུམ་ཆེན་དགུ། གཉིས་མེད་སྦྱོར་བའི་བྱིན་རླབས་ལས།། ཀོ་རིའི་ཚོགས་དང་ཕྲ་མེན་ཚོགས།། སྒོ་མའི་ཚོགས
iiif viewer powered by OpenSeadragon
