| e-texts navigator |
| Wylie |
325a1 པ་ནི། ཚོགས་ཀྱི་མཆོད་པ་ལས། མོ་ཧ་རཱ་ཏི་ལ་སོགས་པ་དྲུག་ཏུ་གྱུར། དེ་ལས་ལྷ་མོ་དྲུག་གི་སྐུར་གྱུར་ནས། དཀྱིལ་འཁོར་གྱི་མགོ་མཇུག་ཏུ་ཚོགས་ཀྱིས་མཆོད་པར་གྱུར་ཏོ།། དེ་ལས་གཞན་ཡང
325a2 མཆོད་པའི་ལྷ་མོ་ཅི་འབྱོར་པས་མཆོད་དོ།། དེ་ནས་འབར་བའི་དཀྱིལ་འཁོར་ལ་ཚོགས་ཀྱིས་མཆོད་པ་ནི། བསྒྲལ་བའི་ཞིང་བཅུ་བཀུག་པར་བྱས་ལ། ཚོགས་ཀྱི་རྟེན་ལ་བསྟིམ། དེ་འགུགས་པའི་ཕོ་ཉ་བཏང་བ་འདི
325a3 སྐད་དོ།། ཧཱུཾ་བསྐལ་པ་མེ་ལྟར་འབར་བའི་དཀྱིལ་འཁོར་ནས།། རྔམས་པའི་ཁྲོ་བོར་སྐུར་སྤྲུལ་ཏེ།། དྲག་ཤུལ་ལས་ཀྱི་ཕོ་ཉའི་ཚུལ།། གཏུམ་ཆེན་རབ་འབར་ཁྲོ་བོ་བཅུ་ལ་སོགས།། རྣམ་པར་རྒྱལ་དང་དབྱུག་སྔོན
325a4 ཅན།། གཤིན་རྗེ་གཤེད་དང་མི་གཡོ་མགོན།། རྟ་མགྲིན་དཔལ་དང་འདོད་པའི་རྒྱལ།། བདུད་རྩི་འཁྱིལ་དང་སྟོབས་པོ་ཆེ།། ཁམས་གསུམ་རྣམ་རྒྱལ་ཧཱུཾ་ཀ་ར།། ཕོ་ཉ་ཕྱག་བརྙན་ཉི་ཤུ་རྣམས།། དམ་ཚིག་ཉམས་པ
325a5 འདིར་ཁུག་ལ།། ཕོ་ཉ་མང་པོ་ནམ་མཁའི་སྐར་ལྟར་ཁྲོམ།། འགུགས་བྱེད་མང་པོ་བར་སྣང་སྤྲིན་ལྟར་གཏིབས།། ཕྱག་བརྙན་མང་པོ་མཁའ་ལ་ཆར་ལྟར་ཕོབ།། མགྱོགས་བྱེད་མང་པོ་བར་སྣང་གློག་ལྟར་འཁྱུག། ཟ
325a6 བྱེད་མང་པོས་སྤྱང་ཚོགས་ལྟར་དུ་རོལ། གསོད་བྱེད་མང་པོས་བྱ་གྷ་གཟན་ལྟར་ཆུམ། འཛིན་བྱེད་མང་པོས་ཆུ་སྲིན་ཁ་ལྟར་གྱིས།། འཆིང་བྱེད་མང་པོས་ཕྱག་རྒྱའི་ཚོགས་ལྟར་སྡོམས། གང་ལ་དམིགས་པར་བྱ་བའི
iiif viewer powered by OpenSeadragon
