| e-texts navigator |
| Wylie |
324a1 ལོངས་སྤྱོད་དེ། འགྲོ་བ་ཡོངས་ལ་ཕན་པ་དང་། ལས་ལ་གཟུད་པའི་ཕྱིར། ཕམ་ཕབ་ལྷག་མ་གཅིག་ཏུ་བསྡུས་ཏེ། ཡོངས་ལ་ཁྱབ་པས་གཏོར་མ་ནི། གཏོར་རྒྱུད་ཆེན་པོ་ལས། གཏོར་མའི་ལེའུ་སྟེ་སོ
324a2 གསུམ་པའོ།། །། དེ་ནས་ཚོགས་ཀྱི་ལོངས་སྤྱོད་དག། འཇིག་རྟེན་ཁམས་ན་ཡོད་པ་ཀུན།། ལྷ་ཡི་ལོངས་སྤྱོད་རྐྱེན་ཡིན་པས།། འབྱོར་པས་བཤམས་ལ་དབུལ་བར་བྱའོ།། དེ་ལ་དང་པོ་ཚོགས་དྲངས་པ་ནི། རོལ
324a3 མོ་དང་རྒྱུད་ཀྱིས་སྣ་དྲངས། གྲི་གསུང་དང་སྤོས་ཀྱི་ངད་སྦྱར། མེ་ཏོག་དང་གཟུགས་ཀྱིས་རྒྱན་བཀྲམ་ནས། དང་པོ་ཚོགས་དྲངས་པ་འདི་སྐད་དོ།། ཧཱུཾ་གཞལ་ཡས་རིན་ཆེན་དམ་པ་འདིར།། བཀའ་དང་མཐུན་པའི
324a4 རྫས་མཆོག་བཀྲམ།། གཞུང་ལས་བྱུང་བའི་དཀྱིལ་འཁོར་བཀོད།། རྒྱུད་ལས་བྱུང་བའི་གཏོར་མ་བཞག། ལུང་ལས་བྱུང་བའི་སྨན་སྩལ་ཏེ།། བདེ་གཤེགས་དཀྱིལ་འཁོར་སྤྱན་དྲངས་ཏེ།། བྱོན་བཞུགས་བདག་ཅག
324a5 མཆོད་འབུལ་ན།། དམིགས་པ་བཞིན་དུ་བཞེས་སུ་གསོལ།། བསྐུལ་བ་བཞིན་དུ་ཐུགས་དམ་བསྐངས།། བསྟབས་པ་བཞིན་དུ་ཞལ་དུ་གསོལ།། བཅོལ་བ་བཞིན་དུ་ཕྲིན་ལས་མཛོད།། ཞུ་བ་བཞིན་དུ་དངོས་གྲུབ
324a6 སྩོལ།། ཞེས་བརྗོད་ལ་འབྱོར་ཚོགས་ཀྱིས་མཆོད་པ་དྲངས་ལ། ཁྲོ་བོ་བཅུའི་སྔགས་ཀྱིས་མཚམས་བཅད་ནས། དང་པོར་རྡོ་རྗེ་དབྱིངས་ཀྱི་ལྷ་ལ་མཆོད་པར་བྱ་སྟེ། དེ་ལ་དང་པོ་མཆོད་པ་རྣམ་པ་བཞི་ལས། དང་པོ
iiif viewer powered by OpenSeadragon
