| e-texts navigator |
| Wylie |
323b1 པའི་ཚེ།། མྱུར་བར་དངོས་གྲུབ་མཆོག་ཏུ་བླངས།། དེ་ཚེ་གཡེལ་ན་དོན་མེད་པས།། བགེགས་དང་བར་ཆོད་བྱེད་ལ་སོགས།། དྲག་པོའི་གཏོར་མས་བཟློག་པར་བྱ།། གཏོར་རྒྱུད་ཆེན་པོ་ལས། གཏོར་མ་བསྒྲུབ་པའི
323b2 ལེའུ་སྟེ་སོ་གཉིས་པའོ།། །། དེ་ནས་ཡེ་ཤེས་རྒྱལ་པོས། རྣལ་འབྱོར་པ་ཡོངས་ལ་ཕན་གདགས་པའི་ཕྱིར། མཚན་མ་ཚོགས་ཀྱི་གཏོར་མ་འདི་ཆེད་དུ་བརྗོད་དོ།། ཚོགས་དང་གཏོར་མ་ལ་སོགས་པ།། རྣལ་འབྱོར
323b3 མཆོག་གི་ལོངས་སྤྱོད་སྟེ།། མ་ཉམས་ཐབས་ཀྱིས་དེ་སྤྱོད་པ།། གསང་སྔགས་ཆེ་བའི་རྒྱལ་པོ་ཡིན་ཞེས་བྱ།། ཚོགས་ལ་ཡང་རྣམ་པ་གསུམ་སྟེ།། སྐལ་ལྡན་མིའི་ཚོགས་དང་། དགའ་ལྡན་ལྷའི་ཚོགས་དང་། འབྱོར་ལྡན
323b4 ལོངས་སྤྱོད་ཀྱི་ཚོགས་སོ།། དེ་ལ་སྐལ་ལྡན་མིའི་ཚོགས་ནི།། ལྟ་སྤྱོད་མཐུན་པར་སྡེབ་པའོ།། དགའ་ལྡན་ལྷའི་ཚོགས་ནི། ལྟ་བ་དང་དམ་ཚིག་དང་ཏིང་ངེ་འཛིན་དུ་ལྡན་པའོ།། འབྱོར་ལྡན་ལོངས་སྤྱོད་ཀྱི་ཚོགས་ནི།།
323b5 རྐྱེན་དང་ལོངས་སྤྱོད་རྫོགས་དང་ཡོ་བྱད་དུ་ལྡན་པའོ།། དེ་ལ་འབྱོར་པ་ཆེ་ཆུང་དང་།། རྩོལ་འཕང་མཐོ་དམན་གྱི་རྒྱུ་སྦྱར། རྟོག་པ་ཆེ་ཆུང་དང་། དགོངས་པ་ཆེ་ཆུང་གིས་རྐྱེན་སྦྱར། ལས་འཕྲོ་བཟང་ངན་དང་། གོ
323b6 རིམ་ཆེ་ཆུང་གི་མཆོད་པ་ཕུལ་ནས། དམ་ལ་གནས་པ་དང་ཚུལ་དུ་ཤིས་པས་ལོངས་སྤྱོད་ཅིང་ཐུགས་དམ་བསྐང་། སྣོད་དང་ལྡན་ཞིང་བསྒོམ་སྲན་ཆེ་བས་དངོས་གྲུབ་བླང་། ཀློང་དུ་གྱུར་ཅིང་དོན་དང་ལྡན་པས
iiif viewer powered by OpenSeadragon
