| e-texts navigator |
| Wylie |
323a1 བདེ་བའི་དགྱེས་པས་བསྟིམ།། དེ་ཚེ་མཆོད་པ་རྒྱུན་མེད་འབྲལ།། དངོས་གྲུབ་ལ་སོགས་གང་འདོད་ལ།། བྱང་ཆུབ་སེམས་ལ་བསྒྲུབ་ཅིང་བླང་།། འདི་ནི་གཉིས་མེད་སྦྱོར་བའི་མཆོག། གཏོར་རྒྱུད་ཆེན
323a2 པོ་ལས། སྦྱོར་བའི་ལེའུ་སྟེ་སོ་གཅིག་པའོ།། །། དེ་ནས་ཡེ་ཤེས་རྒྱལ་པོས། བསྒྲུབ་པ་ཆེན་པོ་འདི་ཆེད་དུ་བརྗོད་དོ།། གཏོར་མ་ལ་སོགས་གང་བསྒྲུབས་ཀྱང་།། དང་པོ་ཕུན་སུམ་ཚོགས་པའི་གནས།། ཡིད་འོང
323a3 གཞན་དང་མཐུན་པ་རུ།། དཀྱིལ་འཁོར་ལྷ་ཡི་བཞུགས་གནས་བཞིན།། བྲིས་ཏེ་བསྒོམས་སམ་གང་ཡང་རུང་།། གོམས་པ་ཡིད་ཀྱིས་གསལ་བྱེད་ནས།། སྨན་དང་གཏོར་མ་ལ་སོགས་པ།། བདུད་རྩིའི་ལུང་དང
323a4 གཏོར་མའི་ལུང་།། དེ་བཞིན་རྟོགས་ཤིང་དེ་བརླབས་པས།། དཀྱིལ་འཁོར་གཉིས་པོ་རིམ་བཞིན་ནོ།། སྤྱན་དྲང་མཆོད་འབུལ་ཚོགས་དྲངས་ནས།། བསྒོམ་སྦྱངས་ཡི་གེ་འབྲུ་བརྒྱད་བཟླས།། རྟགས་དང་མཚན་མ་མ
323a5 བྱུང་བར།། རྒྱུན་མི་འཆད་པར་བསྙེན་ཅིང་བསྒྲུབ།། རབ་ཀྱིས་ཉིན་ཞག་གཅིག་གིས་འགྲུབ།། འབྲིང་གིས་ལོ་དང་ཟླ་བས་འགྲུབ།། ཐ་མས་ལོ་ཟླ་ཚུན་ཆོད་ཀྱིས།། འགྲུབ་གྱུར་འདི་ལ་ཐེ་ཚོམ་མེད།། ཐམས་ཅད
323a6 དཀྱིལ་འཁོར་མཐོང་བ་དང་།། ལྷ་མོའི་གཟུགས་དང་སྒྲ་སྙན་དང་།། མཁའ་འགྲོ་ལ་སོགས་མ་ཚོགས་ཀྱིས།། མངོན་སུམ་གཏོར་མ་ལེན་པར་བྱེད།། གཞན་ཡང་མཚན་མ་སྣ་ཚོགས་སྟོན།། དེ་དག་མཐོང་དང་འགྲུབ
iiif viewer powered by OpenSeadragon
