| e-texts navigator |
| Wylie |
321b1 བས།། བདག་དང་འདྲ་བར་ལས་བྱོས་ཤིག། ཨོཾ་བཛྲ་ར་ཙེ་ས་ཏེ་ཧཱུཾ། དེ་ནས་དབང་དང་གྲུབ་པ་རྣམས།། བརྟན་ཞིང་ཆགས་པར་འདོད་པ་དེས།། རྒྱལ་སྲིད་ལོངས་སྤྱོད་སྣ་ཚོགས་དང་།། བུ་དང་ཆུང་མ་འབྲེལ་བའི
321b2 གྲོགས།། ཅི་ཡོད་ལུས་དང་སྲོག་གིས་མཐུད།། བླ་མ་ལ་ནི་མ་ལུས་པར།། གསོག་འཇོག་མེད་པར་དབུལ་བར་བྱ།། དེ་ནི་དཔག་གིས་མི་ལངས་ཏེ།། དབང་བསྐུར་གནང་བ་དེ་བཞིན་དུ།། ཡིད་ལ་ཅི་དགར་དབང
321b3 གྱུར་ཏེ།། མཁའ་ལ་འགྲོ་ན་བྱ་བཞིན་ནོ།། འཕགས་པའི་སྐུ་དང་ཐ་མི་དད།། རྒྱལ་བ་ཉིད་ཀྱང་ཅི་བཞིན་དུ།། ཡིད་ལ་བསམ་པས་དབང་བསྐུར་ནས།། གཞན་གྱིས་ལས་རྣམས་སྨོས་ཅི་དགོས།། གང་ཞིག་དབང
321b4 རྣམས་མ་ཐོབ་པར།། གང་ཞིག་སྔགས་ལ་སྤྱོད་བྱེད་པ།། ས་བོན་མེ་ཡིས་ཚིག་པ་བཞིན།། འབྲས་བུ་མེད་ཅིང་བརླག་པར་འགྱུར།། གཏོར་རྒུད་ཆེན་པོ་ལས། དབང་གི་ལེའུ་སྟེ་ཉེར་བརྒྱད་པའོ།། །། དེ་ནས
321b5 བཅོམ་ལྡན་འདས་ཀྱིས་སྤྱོད་པ་ཆེན་པོ་འདི་ཆེད་དུ་བརྗོད་དོ།། གཏོར་ནི་ཐབས་ཀྱི་རང་བཞིན་ལ།། མ་ནི་ཤེས་རབ་རང་བཞིན་ཏེ།། ཐབས་དང་ཤེས་རབ་གཉིས་སུ་སྤྱོད།། གཏོར་ནི་ཐབས་ཀྱི་འཕྲོ་འདུ་ཡིན།། མ་ནི
321b6 ཤེས་རབ་བསྟན་པའི་ས།། ཐབས་དང་ཤེས་རབ་གཉིས་སུ་སྤྱོད།། གཏོར་ནི་ཐབས་ཀྱི་ཡེ་ཤེས་ཏེ།། མ་ནི་ཤེས་རབ་བརྟེན་པའི་ས།། གཏོར་ནི་ཐབས་ཀྱི་ཡེ་ཤེས་ཏེ།། མ་ནི་དབྱིངས་ཀྱི་ཤེས་རབ་པས།། ཐབས་དང
iiif viewer powered by OpenSeadragon
