| e-texts navigator |
| Wylie |
320b1 བརྗོད་པས། མ་མོ་དང་མཁའ་འགྲོ་མས་ཅི་བསྒོ་བ་ཉན་ཅིང་། ཁམས་གསུམ་རྔ་སྒྲའི་རང་བཞིན་དུ་སངས་རྒྱས་པར་གྱུར་ཏོ།། གཏོར་རྒྱུད་ཆེན་པོ་ལས། ཕྱག་ཆ་རྔའི་ལེའུ་སྟེ་ཉེར་དྲུག་པའོ།། །། དེ་ནས་བཅོམ
320b2 ལྡན་འདས་ཀྱིས། ཅི་ལྟར་སྣང་བ་སངས་རྒྱས་པའི་དོན་ཆེད་དུ་བརྗོད་དོ།། ཕྱི་ནང་སྣོད་བཅུད་ལ་སོགས་པ།། སྒྲོ་བཏགས་བུས་པས་བཟུང་བ་རྣམས།། ཕྱིན་ཅི་ལོག་ཏུ་རྣམས་བརྟགས་ཀྱང་།། གྲོལ་བར་ཐར་པའི
320b3 ལམ་དུ་བསྟན།། མྱ་ངན་འདས་དང་འཁོར་བའི་གནས།། ཐམས་ཅད་གཅིག་པའི་རང་བཞིན་དུ།། དབྱེར་མེད་ངོ་བོ་ཉིད་མཉམ་པས།། བྱང་ཆུབ་ཉིད་དེ་ལྟུང་གནས་མེད།། ཐར་པའི་ལམ་ནི་ལོག་པ་ཡིན།། ལོག་རྟོག
320b4 གཉིས་མེད་ཆོས་སྐུ་སྟེ།། ལོག་དང་ཐར་པ་གཉིས་མེད་པར།། མཉམ་དུ་གོམས་པ་ལམ་དུ་བདེ།། བྱ་བ་མེད་པས་ཐམས་ཅད་བྱས།། བྱེད་པའི་ལས་ཀུན་དེ་རྟོགས་ན།། དེ་ལས་དེ་རྟོགས་དེ་མི་འབྱུང་།། དེ་བཞིན་བྱར
320b5 མེད་མ་བཙལ་ཞོག། གང་ལ་གནས་པས་སངས་རྒྱས་ཡིན།། དེ་ཚེ་སྤངས་ན་དོན་མེད་པས།། མ་སྤངས་ནམ་མཁའི་ངང་དུ་གནས།། སྒྱུ་མ་ཙམ་ལས་ལྟོས།། ཆོས་རྣམས་གཅིག་གི་ངོ་བོ་ལ།། ཚིག་བརྗོད་མང་པོས
320b6 ཡོངས་སུ་བསྐྲད།། དོན་དུ་འཚམས་པར་མ་གྱུར་ན།། བུ་གཅིག་མ་སྨྲ་བདེ་བར་གནས།། ཡོངས་ལ་ཁྱབ་ཅིང་དོག་པ་མེད།། ཀུན་དང་མ་འགལ་དོན་དང་མཐུན།། རང་སེམས་སངས་རྒྱས་ཡེ་རྟོགས་ན།། ཅི་བརྗོད
iiif viewer powered by OpenSeadragon
