| e-texts navigator |
| Wylie |
31b1 གི་བྱིན་གྱིས་བརླབས།། ཕྱོགས་བཅུའི་རྒྱལ་བ་ཡབ་ཡུམ་གྱི།། གཉིས་མེད་སྦྱོར་བའི་བྱང་ཆུབ་སེམས།། བར་མ་ཆད་པར་དེ་ལ་བསྟིམ།། དེས་ཀྱང་བྱིན་ཆེན་འདུས་པར་འགྱུར།། དེ་ནས་སྐུ་གསུང་ཐུགས་ཉིད
31b2 དུ།། བྱིན་གྱིས་བརླབས་ཤིང་བརྟན་བྱ་སྟེ།། ལག་གཉིས་སོར་མོ་རྒྱབ་ཏུ་བསྣོལ།། གུང་གཉིས་གཤིབས་ཏེ་བསྒྲེང་བ་ཡི།། བར་དུ་ཕུར་པ་དྲིལ་བྱས་ཏེ།། རྡོ་རྗེའི་ཚིག་ཏུ་བརྗོད་པའི་སྔགས།། ཨོཾ་བཛྲ་སཏྭ་རཱ་ཙ་ཧཱུཾ།
31b3 དེས་ནི་ཐུགས་ཉིད་རྡོ་རྗེར་འགྱུར།། ལག་གཉིས་སོར་མོ་རྩེ་བསྒྲེངས་ཏེ།། པདྨ་ལྟ་བུར་བྱས་པ་ཡི།། རྟིང་པས་ཕུར་པ་དི་ལ་བྱས་ཏེ།། རྡོ་རྗེའི་ཚིག་ཏུ་བརྗོད་པའི་སྔགས། ཨོཾ་ཕུར་བུ་ཕཊ། དེས་ནི་གསུང་ཉིད་རྡོ་རྗེར
31b4 འགྱུར།། ལག་གཉིས་སོར་མོ་རྒྱབ་བསྣོལ་ཏེ།། མཐེ་བོང་གཤིབས་པའི་ཆང་པ་རུ།། རྡོ་རྗེ་ཕུར་བུ་དྲིལ་བྱས་ཤིང་།། རྡོ་རྗེའི་ཚིག་ཏུ་བརྗོད་པའི་སྔགས།། ཨཱ~ཾ་ཧ་ན་ཧ་ན་ཏི་པ་ཏ་ཙཀྲ་ཧཱུཾ་ཕཊ། དེས་ནི་ལུས་ཉིད་རྡོ་རྗེར
31b5 འགྱུར།། དེ་ནས་ཕུར་བུ་མཆོད་པ་རྒྱུན་གྱི་ཏིང་ངེ་འཛིན་འདི་གསུངས་སོ།། ཨེ་ཡི་གདན་ལ་བཞུགས་པ་ཡི།། ཁྲོས་པའི་རྒྱལ་པོ་དེ་ཉིད་ལ།། ཉུང་དཀར་རྒྱལ་པོས་བརྡེག་བྱ་ཞིང་།། རྩེ་གཅིག་རྡོ་རྗེར་བྱིན་གྱིས
31b6 བརླབས།། ལག་མཐིལ་གཡས་སུ་བཞག་པ་ཡིས།། གུ་གུལ་དུད་པའི་སྤྲིན་ཕུང་གིས།། བདུག་སྟེ་མཆོད་པས་མཆོད་པར་བསྒོམ།། ཕྱི་ནང་མཆོད་པ་ཅི་འབྱོར་པས།། མཆོད་དེ་ལས་གང་བསྒོ་བར་བྱ།། དེ་ནས་བཟླས
iiif viewer powered by OpenSeadragon
