| e-texts navigator |
| Wylie |
31a1 བསམས་ཏེ།། ལས་རྣམས་ཐམས་ཅད་བརྩམ་པར་བྱ།། བཀའ་ཡེ་འཁོར་ལོ་རབ་བསྒྱུར་བས།། ལས་རྣམས་ཐམས་ཅད་བྱེད་པར་འགྱུར།། དེ་ནས་ཕུར་བུ་རྒྱུན་གྱི་ཏིང་ངེ་འཛིན་འདི་གསུངས
31a2 སོ།། གདེངས་དང་ལྡན་པའི་རྣལ་འབྱོར་པས།། དང་པོར་དངོས་མེད་བྱང་ཆུབ་སེམས།། སྟོང་པ་ཆེན་པོའི་ཏིང་འཛིན་ལས།། ཕུར་པ་ཁྲོ་བོའི་གཟུགས་སུ་བརྟགས།། རྒྱ་མདུད་སྟེང་དུ་གཞལ་ཡས་ཁང་།། ཚད་དང་རྒྱ
31a3 ཡང་མ་ཆད་པ།། འཁོར་ལོའི་རྒྱན་དང་རོལ་མོའི་ཚོགས།། ཞིང་རྣམས་གདན་ཆེན་གསལ་བའི་སྟེང་།། ཁྲག་འཐུང་ཚོགས་ནི་རྒྱས་པར་བསྒོམ།། དེ་ལས་སྲས་མཆོག་ཀཱི་ལ་ཡ།། རྒྱ་མདུད་མན་ཆད་ཁྲོ་བོའི་ལུས།། ཕུར
31a4 པའི་ལྷ་ཉིད་གསལ་བར་བསྒོམ།། དེ་ཉིད་བྱིན་དང་ལྡན་བྱའི་ཕྱིར།། ཨོཾ་ཧྲཱིཿཕཊ། ཅེས་ཡིག་འབྲུ་གསུམ།། སྤྱི་བོ་རྐེད་པ་རྩེ་མོ་ལ།། སྐུ་གསུང་ཐུགས་སུ་བསྒོམ་པར་བྱ།། ཡེ་ཤེས་ལྔ་ཡི་གེ་ལྔ།། ཨོཾ་ཨཱཿཧཱུཾ་སྭཱ་ཧཱ།། སྤྱི་བོ
31a5 ལྕེ་དང་སྙིང་ག་དང་།། སྐེད་པ་ཡན་ལག་དག་ལ་སྟེ།། ལྔ་རུ་བྱིན་རླབས་འོད་ཀྱི་འབྲུའོ།། སྒྲོ་དང་བསྡུ་བའི་ཡི་གེ་ནི།། ཧཱུཾ་གསུམ་དང་ནི་ཕཊ་གསུམ་གྱི།། ངོས་གསུམ་དང་ནི་ཟུར་གསུམ་ལ།། རྩེ་མོ་གཅིག་ཏུ་བསྒོམ
31a6 པར་བྱ།། གཡས་གཡོན་ཐབས་དང་ཤེས་རབ་ཀྱི།། སོར་མོ་ཡབ་ཡུམ་བཅུ་བསྒོམས་ཏེ།། སྦྱོར་བའི་བྱིན་བརླབས་འོད་འཕྲོས་པས།། མུ་ཏིག་དཀར་པོ་དྲི་མེད་ལྟར།། ཐིམ་པས་ལྷན་བྱས་འོད་དུ་གྱུར།། འདུ་བྱེད་ལག
iiif viewer powered by OpenSeadragon
