| e-texts navigator |
| Wylie |
319b1 ཚིག་ཉམས་ན་ཏིང་ངེ་འཛིན་ལས་རུང་བས་བསྐང་ངོ་།། ཡན་ལག་གི་དམ་ཚིག་ཉམས་ན། ཚོགས་དང་གཏོར་མ་བརྒྱ་རྩ་བརྒྱད་ཀྱིས་བསྐང་ངོ་།། དེ་དག་ལས་ཡིད་ཟུངས་སུ་བཟུང་བས་བསྐང་བར་བྱའོ།། གཏོར་རྒྱུད
319b2 ཆེན་པོ་ལས། དམ་ཚིག་ཉམས་པ་བསྐང་བའི་ལེའུ་སྟེ་ཉི་ཤུ་རྩ་ལྔའོ།། །། དེ་ནས་རྡོ་རྗེ་སེམས་དཔའ་ལ་སོགས་པ་སངས་རྒྱས་རྣམས་ལ། གཏོར་རྒྱུད་ཆེན་པོ་འདི་དག་བཀའ་སྩལ་པས། ཐམས་ཅད་ཀུན་ཏུ
319b3 བཟང་པོའི་གཏོར་མའི་རང་བཞིན་དུ་སངས་རྒྱས་པར་གྱུར་ཏོ།། དེ་ནས་ཀུན་ཏུ་བཟང་པོས་རྔ་སྒྲ་སྐྱེ་བ་མེད་པ་འདི་ཆེད་དུ་བརྗོད་དོ།། ཧཱུཾ་ལྡི་རིའི་རྔ་ཆེན་འདི་བརྡུངས་པས།། ཁམས་གསུམ་མ་ལུས་དབང་དུ
319b4 བསྡུས།། ལྡི་རིའི་རྔ་ཆེན་འདི་བརྡུངས་པས།། བདུད་ཀྱི་ཀླད་པ་ཚལ་པར་གཤོགས།། ལྡི་རིའི་རྔ་ཆེན་འདི་བརྡུངས་པས།། དགྲ་བོའི་མགོ་ལུས་དུམ་བུར་གཏུབ།། ལྡི་རིའི་རྔ་ཆེན་འདི་བརྡུངས་པས།། བགེགས་ཀྱི
319b5 ཚོགས་རྣམས་རྡུལ་དུ་རློག། ལྡི་རིའི་རྔ་ཆེན་འདི་བརྡུངས་པས།། མ་མོ་མཁའ་འགྲོ་བྲན་དུ་ཁོལ།། ལྡི་རིའི་རྔ་ཆེན་འདི་བརྡུངས་པས།། སྟོང་གསུམ་ཆོས་སྒྲ་ཆེན་པོར་སྒྲོགས།། ལྷ་རྣམས་ཕྲག་དོག་ཆེ་བ་ལ།། ཤེས་རབ
319b6 ངེས་པའི་ཆོས་ཀྱང་སྟོན།། མི་རྣམས་མངོན་ཤེས་ཆུང་བ་ལ།། ཤེས་རབ་རྣོ་བའི་ཆོས་ཀྱང་བཤད།། བྱོལ་སོང་བླུན་ཞིང་གཏི་མུག་པར།། ཤེས་རབ་གསལ་བའི་ཆོས་ཀྱང་བཤད།། ཡི་དྭགས་བཀྲེས་སྙོམས་ཉེན་པ
iiif viewer powered by OpenSeadragon
