| e-texts navigator |
| Wylie |
318a1 གོ། གཏོར་རྒྱུད་ཆེན་པོ་ལས། ཉམས་པའི་སྔ་རྟགས་བསྟན་པའི་ལེའུ་སྟེ་ཉེར་གསུམ་པའོ།། །། དེ་ནས་ཀུན་ཏུ་བཟང་པོས་དམ་ཚིག་ཉམས་པའི་སྐྱོན་བསྟན་པ་འདི་ཆེད་དུ་བརྗོད་དོ།། སྐུའི་དམ
318a2 ཚིག་རྡོ་རྗེ་སློབ་དཔོན་དང་། མཆེད་དང་ལྕམ་དྲལ་ལ་མནར་སེམས་དང་། འཕྱ་སེམས་ཙམ་དུ་ཡང་སྤྱད་པར་མི་རུང་ན། གནོད་པ་དངོས་སུ་བྱེད་པ་དང་། འཁུ་ཞིང་ལྡོག་པ་དང་། ཟང་ཟིང་གི་དོན་ལ་བརྐམ་པ་དང་།
318a3 འཐབ་ཅིང་རྩོད་པ་ལྟ་ཅི་སྨོས་ཏེ། སྐུའི་དམ་ཚིག་ཉམས་པས་སོལ་དུ་མ་ལ་ལྗོན་ཤིང་མི་སྐྱེ་བ་དང་འདྲ་སྟེ། བསྐལ་པ་གཅིག་གི་བར་དུ་སེམས་ཅན་དམྱལ་བར་སྐྱེ་ཞིང་། གཞན་དགེ་བའི་རྩ་བ་ཅི་བྱས་ཀྱང་ཕན་མེད་པ
318a4 དང་། གསུང་གི་དམ་ཚིག་སྔགས་དང་ཏིང་ངེ་འཛིན་པར་མི་བཅད་དོ་བྱས་ཏེ་ཁས་བླངས་ནས་ལོ་དང་ཟླ་བ་ཙམ་ལ་མ་དོད་ཀྱིས་ཡུད་ཙམ་མི་དྲན་པས་ས་བོན་མེས་ཚིག་པ་དང་འདྲ་སྟེ། བསྐལ་པ་གཉིས་ཀྱི་བར་དུ
318a5 སེམས་ཅན་དམྱལ་བར་སྐྱེ་ཞིང་། གཞན་གྱི་དགེ་བའི་རྩ་བ་ཅི་བྱས་ཀྱང་ཕན་མེད་པ་དང་། ཐུགས་ཀྱི་དམ་ཚིག་གསང་བའི་མན་ངག་གཞན་ལ་མི་སྤེལ་ལོ་བྱས་ནས། དམ་ཉམས་པ་དང་། དམ་མེད་པ་དང་། ཆོས
318a6 ལོག་པར་འཛིན་པ་མཐའ་དག་ལ་འཆད་ཅིང་མ་ཀར་གཏོང་བ་དང་། བཀའ་འཆལ་པ་ལྟ་ཅི་སྨོས་ཏེ་ཐུགས་ཀྱི་དམ་ཚིག་ཉམས་ན་བསྐལ་པ་གསུམ་དུ་མནར་མེད་པར་ལྟུང་ཞིང་། མེ་ཏོག་སད་ཀྱིས་བསད་པ་དང་འདྲ
iiif viewer powered by OpenSeadragon
