| e-texts navigator |
| Wylie |
317a1 པ་ཡང་། ཉམས་པར་གྱུར་པའི་སྤྱོད་པ་ཡིན་ནོ།། གཞན་གྱི་ཡོན་ཏན་ཅི་ཡོད་པ་མ་གྲགས་ཤིང་སྲུབས་པར་དགའ་ལ། སྐྱོན་ཅི་ཡོད་པ་བརྗོད་པར་བྱེད་ན། ཉམས་པར་གྱུར་པའི་སྤྱོད་པ་ཡིན་ནོ།། རང
317a2 ནི་གྲུབ་ཅིང་མཐོ་བར་འདོད་ལ། གཞན་ནི་དམས་ཤིང་མ་གྲུབ་པར་འདོད་ན། ཉམས་པར་གྱུར་པའི་སྤྱོད་པ་ཡིན་ནོ།། འདི་ལྟར་སྤྱོད་པ་ལེགས་སུ་རེ་སྟེ་མ་ལེགས་སོ།། འདི་ལྟར་སྤྱོད་པ་གྲུབ་ཏུ་རེ་སྟེ་མི་འགྲུབ
317a3 བོ།། འདི་ལྟར་སྤྱོད་པ་མཁས་སུ་རེ་སྟེ་མི་མཁས་སོ།། འདི་ལྟར་སྤྱོད་པ་སྤྱད་ཞིང་ཤེས་སུ་རེ་སྟེ། མི་སྦྱང་ཞིང་གླེན་ནོ།། དེ་ཅིའི་ཕྱིར་ཞེ་ན། ཆོས་ཉིད་མ་རྟོགས་ཤིང་མི་ཆོས་ཀྱི་སྤྲིན་དུ་རེ་བས། ངན་སོང་གི་ཚོགས
317a4 སོགས་པ་ཡིན་ནོ།། གཞན་ཡང་ཉམས་པའི་སྤྱོད་པ་ནི། གནས་ཉམས་པའི་སྤྱོད་པ་གྲོང་གསེབ་ཏུ་གསང་སྔགས་སྤྱོད་པ་དང་། མི་ནག་གི་སར་སྤྱོད་པ་དང་། དམ་ཚིག་ཉམས་ཤིང་མེད་པ་དང་འདྲེས་པར་སྤྱོད་པ་དང་།།
317a5 གསང་སྔགས་ཀྱི་དམ་རྫས་སྐྱེ་བོ་ཡོངས་ཀྱིས་མཐོང་ཞིང་ཆ་ཡོད་པར་བྱས་པ་ཡང་། ཉམས་པར་གྱུར་པའི་སྤྱོད་པ་ཡིན་ནོ།། གཏོར་རྒྱུད་ཆེན་པོ་ལས། དམ་ཚིག་ཉམས་པའི་སྤྱོད་པ་བསྟན་པའི་ལེའུ་སྟེ་ཉེར་གཉིས
317a6 པའོ།། །། རྡོ་རྗེ་སེམས་དཔའ་གཞན་ཡང་དམ་ཚིག་ཉམས་པའི་རྟགས་ནི། འཇིག་རྟེན་ཁམས་འདིར་ཡང་མཛེ་དང་ཤུ་བ་དང་། འབྲུམ་བུ་ལ་སོགས་པ་ནད་ངན་པ་སྣ་ཚོགས་པ་འབྱུང་བ་དང་། བགེགས་དང
iiif viewer powered by OpenSeadragon
