| e-texts navigator |
| Wylie |
316a1 སུ་བལྟས་ན་ཡང་། དམ་ཚིག་ཉམས་པའི་མཚན་མའོ།། ཆོས་ལ་བཟང་ངན་དུ་འཛིན་པ་ཡང་དམ་ཚིག་ཉམས་པའི་མཚན་མའོ།། ཐུགས་རྗེ་ལ་དབྲི་བཀོལ་དུ་བྱེད་ན་ཡང་དམ་ཚིག་ཉམས་པའི་མཚན
316a2 མའོ།། རྣལ་འབྱོར་གྱི་ཆོས་ལ་རིས་གཉིས་སུ་འཛིན་པར་བྱེད་ན་ཡང་དམ་ཚིག་ཉམས་པའི་མཚན་མའོ།། མཚན་ཉིད་ངན་པ་རྣམས་ལ་རྣལ་འབྱོར་གྱི་ཆོས་བསྟན་ན་ཡང་། དམ་ཚིག་ཉམས་པའི་མཚན་མའོ།། ཕོངས
316a3 ཤིང་ཉམ་ཟག་པ་ལ་སྤྱོད་པ་རྩིང་པོར་སྤྱད་ན་ཡང་། དམ་ཚིག་ཉམས་པར་གྱུར་པའི་མཚན་མའོ།། གཏོར་རྒྱུད་ཆེན་པོ་ལས། དམ་ཚིག་ཉམས་པར་གྱུར་པའི་མཚན་མ་བསྟན་པའི་ལེའུ་སྟེ་ཉི་ཤུ་རྩ་གཅིག
316a4 པའོ།། །། རྡོ་རྗེ་སེམས་དཔའ་གཞན་ཡང་དམ་ཚིག་ཉམས་པའི་སྤྱོད་པ་ནི། རྒྱུ་ལ་འབད་པ་མེད་པར་འབྲས་བུ་ལ་རེ་ཆེ་བར་འཇོག་པ་དང་། རང་གི་བྱས་པའི་འབྲས་བུ་མེད་པར་གཞན་ལ་དངོས་སུ་རེ་བ་དང་།
316a5 མ་བསྒོམས་པར་དངོས་གྲུབ་ཐོབ་ཏུ་རེ་བ་དང་། དམ་ཚིག་མ་བསྲུངས་པར་མཐུ་ཆེ་བར་འདོད་པ་དང་། བསླབས་ཤིང་རྡོ་རྗེ་མ་སྦྱངས་པར་མཁས་ཤིང་བཙུན་པར་འདོད་པ་དང་། ཕྱི་ནང་གི་དབང་མ་བསྐུར་བར་སློབ
316a6 དཔོན་བྱེད་པ་རྣམས་ནི། དམ་ཚིག་ཉམས་པའི་སྤྱོད་པ་ཡིན་ནོ།། མཁས་པ་ལ་མི་མཁས་པའི་སྒྲོ་འདོགས་པ་ཡང་། དམ་ཚིག་ཉམས་པའི་སྐྱོན་དང་སྤྱོད་པ་ཡིན་ནོ།། མི་མཁས་པ་ལ་མཁས་པའི་ཚེ་འབྱིན་ན་ཡང་།
iiif viewer powered by OpenSeadragon
