| e-texts navigator |
| Wylie |
315b1 ལ། དམ་ཚིག་ལས་མི་འདའ་བར་བྱ་བ་དང་། བརྒྱ་རྩ་བརྒྱད་པོ་འདི་དག་བསྲུངས་ན། བདུད་རྩི་ཡིན་ནོ།། ཡེ་ཤེས་ཡིན་ནོ།། སངས་རྒྱས་ཡིན་ནོ།། རྡོ་རྗེ་སེམས་དཔའ་ཡིན་ནོ།། ཀུན་ཏུ་བཟང་པོ་ཡིན་ནོ།། དུས
315b2 གསུམ་གྱི་སངས་རྒྱས་ཐམས་ཅད་ཀྱང་། ཚིག་ཆད་། དམ་ཚིག་འདི་བསྲུངས་པས་སངས་རྒྱས་པ་ལས་གཞན་མ་ཡིན་པས། སངས་རྒྱས་ཐམས་ཅད་ཀྱིས་དམ་ཚིག་ལ་བསྔགས་སོ།། དམ་ཚིག་འདི་མ་བསྲུངས་ན། དུག
315b3 འཐུངས་པ་དང་འདྲ་སྟེ། ཆོས་སྤྱོད་གང་ཤེས་ཀྱང་མནར་མེད་པའི་དམྱལ་བར་འགྲོའོ།། གཏོར་རྒྱུད་ཆེན་པོ་ལས། ཡན་ལག་གི་དམ་ཚིག་བརྒྱ་རྩ་བརྒྱད་ཀྱི་ལེའུ་སྟེ་ཉི་ཤུ་པའོ།། །། རྡོ་རྗེ་སེམས་དཔའ་གཞན
315b4 ཡང་། དམ་ཚིག་ཉམས་པར་གྱུར་པའི་མཚན་མ་འདིའོ།། རྣལ་འབྱོར་པ་མི་ཆོས་ཀྱི་བློན་པོ་ལྟ་བུའི་ལས་བྱེད་པས། ཐབས་ཀྱིས་གཞན་སྨད་པ་དང་། འཐབ་ཅིང་རྩོད་པ་དང་། ཕྱོགས་འཆོས་པའི་ལས། རླབས་དང་ཆེ
315b5 འདོད་པ་ནི་དམ་ཚིག་ཉམས་པར་གྱུར་པའི་མཚན་མའོ།། རྣལ་འབྱོར་པ་གདེང་མ་ཟིན་པར། རིགས་རྒྱུད་ཀྱི་བུ་སྡུད་ཅིང་། ཡོངས་ཀྱི་འདེབས་པའི་དབང་གིས། ཛ་གད་ཀྱི་དབང་བཙན་པར་བྱས་ནས་དྲེགས་པའི་ཁར
315b6 བཏང་ནས། སྙིང་རྗེ་དང་བྲལ་བ་རྣམས་ནི་དམ་ཚིག་ཉམས་པའི་མཚན་མའོ།། གསང་སྔགས་གསང་བའི་བཀའ་དར་དྲགས་པར་ཀུན་སྤྱོད་ན་ཡང་། དམ་ཚིག་ཉམས་པར་གྱུར་བའི་མཚན་མའོ།། ལྟ་བ་ལ་ཕྱོགས་རིས
iiif viewer powered by OpenSeadragon
