| e-texts navigator |
| Wylie |
310b1 ལས་མི་འདའ་བར་བྱ་བ་དང་། མཚན་ཉིད་ཐེག་པས་མི་འདུལ་བས་དེ་ཡང་བསྒྲལ་ལ་དམ་ཚིག་ལས་མི་འདའ་བར་བྱ་བ་དང་། གཟུང་འཛིན་གྱི་མཐུ་བརྟས་པའི་རཱ་ཏྲ་རྣམ་པ་གསུམ་པོ་བསྒྲལ་ལ་དམ་ཚིག་ལས་མི
310b2 འདའ་བར་བྱ་བ་དང་། གསང་སྔགས་ལ་གལ་དུ་འཇུག་ཅིང་བཀའ་ངེས་པའི་དོན་ནུབ་པར་བྱེད་པ་བསྒྲལ་ལ་དམ་ཚིག་ལས་མི་འདའ་བར་བྱ་བ་དང་། ཡུལ་ཆོས་ཉིད་དུ་སྦྱོར་ཞིང་ཐབས་དང་ཤེས་རབ་ཀྱི་དམ་ཚིག
310b3 ལས་མི་འདའ་བར་བྱ་བ་དང་། འབྱུང་བ་ཆེན་པོའི་ཀློང་གང་ལ་སྦྱོར་ཞིང་། ཐབས་དང་ཤེས་རབ་ཀྱིས་དམ་ཚིག་ལས་མི་འདའ་བར་སྦྱོར་ཞིང་། ཕོ་རང་བཞིན་མེད་པའི་བར་དུ་སྦྱོར་ཞིང་ཐབས་དང་ཤེས་རབ་ཀྱི་དམ
310b4 ཚིག་ལས་མི་འདའ་བར་བྱ་བ་དང་། མོ་རིགས་གཟུངས་མ་མཚན་དང་ལྡན་པར་སྦྱོར་ཞིང་ཐབས་དང་ཤེས་རབ་ཀྱི་དམ་ཚིག་ལས་མི་འདའ་བར་བྱ་བ་དང་། སེར་སྣ་ཅན་གྱི་ནོར་མ་བྱིན་པར་བླངས་ལ་ཚོགས་དང
310b5 གཏོར་མའི་མཆོད་པར་ཕུལ་ལ་དམ་ཚིག་ལས་མི་འདའ་བར་བྱ་བ་དང་། བཀྲ་ཤིས་དག་པའི་རྫས་མ་བྱིན་པར་བླངས་ལ། དཀྱིལ་འཁོར་ཆེན་པོར་ལོངས་སྤྱོད་སྟེ་དམ་ཚིག་ལས་མི་འདའ་བར་བྱ་བ་དང་། ནག་པོའི
310b6 ཕྱོགས་ནས་མི་མོ་མཚན་དང་ལྡན་པ་མ་བྱིན་པར་བླངས་པ་ལ། བྱང་ཆུབ་སེམས་ཀྱི་དངོས་གྲུབ་བླངས་ཤིང་དམ་ཚིག་ལས་མི་འདའ་བར་བྱ་བ་དང་། བཀའ་ངེས་པའི་དོན་མི་བསླུ་བ་སྦས་པ་རྣམས་མ་བྱིན་པར་བླངས
iiif viewer powered by OpenSeadragon
