| e-texts navigator |
| Wylie |
310a1 དགྲ་དང་བགེགས་དང་བར་དུ་གཅོད་པ་རྣམས་ཀྱང་བདག་ཉིད་ཀྱིས་མ་བསྐུལ་བར་རྡུལ་ཕྲ་མོ་ཙམ་ཡང་མ་ལུས་པར་འགྲོ་བ་དང་། མ་ཚོགས་མཁའ་འགྲོ་ལ་སོགས་སྤྲིན་ཕུང་བཞིན་དུ་གཏིབས་ནས།
310a2 བདག་གར་འགྲོ་བར་ལུས་དང་གྲིབ་མ་བཞིན་དུ་འགྲོགས་ནས། ཅི་བསྒོ་བ་བྲན་སྙིང་ཉེ་བ་བཞིན་དུ་ཉན་པ་དང་། གཞན་ཡང་དམ་ལ་གནས་པ་རྣམས་ཀྱིས། ཅི་འདོད་པའི་ལོངས་སྤྱོད་སྤེལ་བར་བྱེད་པ་དང་།
310a3 འཇིག་རྟེན་ཕྱི་མར་ཀུན་ཏུ་བཟང་པོ་དང་སྐལ་བ་མཉམ་པར་འགྱུར་རོ།། དམ་ཚིག་མ་ཉམས་པར་བསྲུངས་ན། བཀའ་ཚིག་གཅིག་བཟླས་མ་ཤེས་ཀྱང་སངས་རྒྱའོ།། གཞན་ཡང་དམ་ཚིག་བསྲུང་བའི་ཡོན་ཏན་ནི།།
310a4 གྲངས་འདིར་བརྗོད་ཀྱིས་མི་ལངས་ཏེ་མཐའ་ཡས་སོ།། གཏོར་རྒྱུད་ཆེན་པོ་ལས། དམ་ཚིག་བསྲུང་བའི་ཡོན་ཏན་གྱི་ལེའུ་སྟེ་བཅུ་དགུ་པའོ།། །། དེ་ནས་དཔལ་ཀུན་ཏུ་བཟང་པོས། ཡན་ལག་གི་དམ་ཚིག
310a5 འབུམ་སྡེ་ལས། ཡན་ལག་གི་དམ་ཚིག་བརྒྱ་རྩ་བརྒྱད་དུ་བསྡུས་ཏེ་བཀའ་སྩལ་པ་འདི་ལྟ་སྟེ། དང་པོ་ཏིང་ངེ་འཛིན་གྱི་རྩལ་འབྱོངས་པར་བྱས་ལ། ཅིར་སྣང་བ་ཐམས་ཅད་བསྒྲལ་ལ། རྒྱལ་བ་མ་མོའི་ཐུགས་དམ
310a6 བསྐུལ་ཞིང་། བདེ་བར་གཤེགས་པའི་སྲས་སུ་བྱས་ནས། བདག་དང་གཅིག་པའི་དབང་གིས། དམ་ཚིག་ལས་མི་འདའ་བར་བྱ་བ་དང་། ཞིང་བཅུར་གྱུར་པ་སྐད་ཅིག་ཙམ་ཡང་མི་བཞག་པར་བསྒྲལ་ལ་དམ་ཚིག
iiif viewer powered by OpenSeadragon
