| e-texts navigator |
| Wylie |
30b1 རྒྱས་བྱང་ཆུབ་སེམས་དཔའ་ཡང་།། བཅིང་བར་འགྱུར་ཏེ་གདོན་མི་ཟ།། ཨོཾ་བཛྲ་ཀྲོ་ཏ་མ་ཧཱ་བ་ལ་ཧཱུཾ་སྥོ་ཊ་ཡ་སྥོ་ཊ་ཡ་ཧཱུཾ་ཕཊ། གཡོན་པའི་ཁུ་ཚུར་སྙིང་གར་བཞག། གཡས་པས་བརྡེག་པའི་སྟོངས་སུ་ཕྱར།། སྟོབས
30b2 པོ་ཆེ་རུ་བཤད་པ་ཡིན།། སྔགས་དང་ཕྱག་རྒྱ་འདི་ཡིས་ནི།། ཟན་པ་བྱུང་ན་ཆར་པ་འབེབས།། ཆར་ཆེ་ན་ཡང་གཅོད་པར་བྱེད།། ཨཱ~ཾ་བཛྲ་ཀྲོ་ཏ་པ་ཡ་བ་ཏི་ཧཱུཾ། ལ་སེ་ཀེ་ཧཱུཾ། པྲ་ཏི་ཙ་ཧཱུཾ། ཤྭ་ཤན་པ་ཏི་ཧཱུཾ། མུ་ས་ལཱི་ཧཱུཾ།
30b3 ཙཎྜཱ་ཡ་ཏི་ཧཱུཾ། ཤ་བྱ་ཡ་ཏི་ཧཱུཾ། རིཀྵ་ཡ་ཏི་ཧཱུཾ། མ་རཱ་ཎ་ཧཱུཾ། ཙིན་ད་མུ་ནེ་ཧཱུཾ། ཁྲོ་མོའི་སྟངས་སུ་གནས་ནས་སུ།། གཡས་པ་ཐབས་ཀྱིས་གཙོ་ལ་འཁྱུད།། གཡོན་པ་བྷནྣ་རཀྟ་སྟོབ། ཁྲོ་མོ་ཀུན་གྱི་ཕྱག་རྒྱར
30b4 བཤད།། སྔགས་དང་ཕྱག་རྒྱ་འདི་ཡིས་ནི།། ལས་རྣམས་ཐམས་ཅད་བྱེད་པ་སྟེ།། སོ་སོའི་ཁྲོ་བོའི་ལས་སུ་བཤད།། གཞན་ཡང་ཡང་སྦྲུལ་ཕོ་ཉ་དང་།། མ་མོ་ཅི་བགྱི་ལ་སྩོགས་ཀུན།། སོ་སོའི་སྔགས་དང་ཕྱག་རྒྱ
30b5 རྣམས།། ངེས་པ་མེད་དོ་རྒྱལ་བས་གསུངས།། རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། སྔགས་དང་ཕྱག་རྒྱའི་ལེའུ་སྟེ་དགུ་པའོ།། །། དེ་ནས་བཅོམ
30b6 ལྡན་འདས་གསང་བ་མཆོག་གི་བདག་པོ་དེས། ཏིང་ངེ་འཛིན་རྣམ་པར་སྤྲོ་བ་འདི་གསུངས་སོ།། ནམ་མཁའི་དབྱིངས་ཀྱི་དབུས་གནས་པར།། ཉི་མའི་དཀྱིལ་འཁོར་བསྒོམ་པར་བྱ།། དེ་དབུས་བདག་པོའི་གཟུགས
iiif viewer powered by OpenSeadragon
