| e-texts navigator |
| Wylie |
309b1 བྱ།། གང་ཞིག་ཉམས་པར་བྱེད་པ་དང་།། རང་སེམས་རྟག་པར་བལྟ་བ་རྣམས།། དམ་ལ་ལོག་པར་བྱེད་པ་ཡི།། དྲུང་ན་སུ་ཡང་མི་འདུག་ལ།། གཞན་གྱིས་མཐོང་བར་མ་བྱས་ཀྱང་།། དམ་ཚིག་དབང་པོ་སྙིང་ལ
309b2 འདུག། དེ་དང་འདྲ་བར་བལྟ་བ་ནི།། གྲངས་ཀྱིས་མི་ལ་ཀུན་གྱིས་མཐོང་།། དེ་བཞིན་གཟིགས་པའི་སེམས་གྱིས་ལ།། མ་འདའ་དམ་ལ་གནས་པར་གྱིས།། ས་བཅུ་མཐར་ཕྱིན་སངས་རྒྱས་ཀྱང་།། དམ་ཚིག་འདའ
309b3 བར་མི་བྱེད་ན།། རྣལ་འབྱོར་བསྒྲུབ་པས་ཅི་སྟེ་འདའ།། འཇིགས་པའི་སྐྱབས་ནི་དམ་ཚིག་མཆོག། དམ་ཚིག་དབང་ཕྱུག་ཉིད་ཀྱང་མི་འདའ་ན།། མ་ཚོགས་མཁའ་འགྲོ་ཅི་སྟེ་འདའ།། ལྷས་ཀྱང་ལྷ་ལ་དབང་མི
309b4 ཟ།། མིས་ཀྱང་དེ་བཞིན་དམ་མི་འདའ།། དམ་ཚིག་མ་ཉམས་དེ་བསྲུངས་པ།། སྐུ་གསུང་ཐུགས་ཀྱི་ཕྱག་རྒྱ་ཆེ།། རྣལ་འབྱོར་ཀུན་ཏུ་བསྐྱེད་པའོ།། ཐམས་ཅད་ཡོངས་ཀྱི་མ་ཞེས་བྱའོ།། རྒྱལ་བའི་དཀྱིལ་འཁོར་གསལ
309b5 བར་བརྩེགས།། གཏོར་རྒྱུད་ཆེན་པོ་ལས།། དམ་ཚིག་བསྲུང་བའི་ལེའུ་སྟེ་བཅོ་བརྒྱད་པའོ།། །། དེ་ནས་སེམས་དཔའ་ཆེན་པོས། དམ་ཚིག་འདི་དག་མ་ཉམས་ཏེ་བསྲུངས་པའི་ཕན་ཡོན་ནི།། འཇིག་རྟེན་གྱི་ཁམས
309b6 ར་ཚེ་རིང་ཞིང་། འབྱོར་པའི་ལོངས་སྤྱོད་ལ་སོགས་པ།། ཡིད་ལ་བསམ་པ་བཞིན་འགྲུབ་པ་དང་།། འགྲོ་བ་གཞན་ལ་ཡིད་ལས་བྱུང་བའི་དྲན་ཚིག་བཟླས་ཀྱང་དེ་ལ་ཕན་པ་དང་། བསྒོ་བ་བཞིན་ཉན་པ་དང་།
iiif viewer powered by OpenSeadragon
