| e-texts navigator |
| Wylie |
307b1 ཉུང་ཙམ་དུ་ཡང་ལྡན་པར་བྱའོ།། དམ་དེ་ལས་མི་འདའ་བར་དང་དུ་ལེན་ན། བཀའ་རྒྱ་ཆེ་བ་ལྟ་ཅི་སྨོས་ཀྱིས། གང་ཡིན་པའི་ཚིག་གཅིག་བཟླས་པ་རང་གིས་སྐུ་གསུང་ཐུགས་ཀྱི་དངོས་གྲུབ་ཐོབ་པར་འགྱུར
307b2 རོ།། གལ་ཏེ་དམ་དེ་ལ་མི་གནས་ན། བཀའ་ཕྱི་ནང་གི་དོན་མཐའ་དག་གི་དོན་འཆང་ན་ཡང་། སྐྱེ་བོ་ཕལ་པ་དང་མཚུངས་སོ།། སེམས་དཔའ་ཆེན་པོ་དུས་ནམ་ཞིག་གི་ཚེ་ན། གསུང་གི་དམ་ཚིག་འདི་ལ་མི་བརྩོན
307b3 པར་ཁེ་དང་གྲགས་པ་ལ་སོགས་པས། མདོ་སྡེའི་རིགས་བཟུང་ནས་སྡེ་དང་གྲངས་མང་པོ་ཡོད་ཟེར་ནས། ཐེག་པ་ཆེན་པོ་ལ་དཔྱས་འདོགས་ཤིང་། སྔགས་དང་ཕྱག་རྒྱ་སྤངས་ནས། རྣལ་འབྱོར་ཚོགས་ཀྱི་ལོངས་སྤྱོད
307b4 བཀུག་ནས་ཟ་བ་དང་། ཁྲིམས་ལ་གནས་པར་མི་བྱེད་ཅིང་། མཚང་ཚིག་སྨྲ་བ་ཤ་སྟག་འབྱུང་སྟེ། དེ་ལ་བདག་ཉིད་བསླུས་ཤིང་སྨྱོས་ནས་ལོག་པའི་ལམ་དུ་སོང་བས། དཔེར་ན་སོལ་བའི་མཐུས་དཀར་གྱིས་མི་འགྱུར
307b5 བ་དང་འདྲའོ།། ཆོས་ལོག་པ་དང་ངག་གི་སྒྲིབ་པས་མནར་མེད་པ་ཡིན་ནོ།། དེ་ཅིའི་ཕྱིར་ཞེ་ན། ཆོས་ཉིད་ལ་རིས་སུ་སངས་རྒྱས་རྣམས་ཀྱིས་མ་གསུངས་སོ།། ཐུགས་ཀྱི་དམ་ཚིག་ནི་གསང་བའི་མན་ངག་གཞན་ལ་མི
307b6 སྤེལ་བ་སྟེ། དེ་ལ་གསང་སྔགས་རྣལ་འབྱོར་གྱི་ཆོས། གར་སོང་སོང་དུ་བབ་བབ་དང་ཚལ་ཆོལ་དུ་སྣོད་མེད་པ་ལ་མི་སྨྲ་བ་དང་། གསང་སྔགས་ཀྱི་སྤྱོད་པ་དམ་རྫས་བདུད་རྩིར་གྱུར་པ་རྣམས། རང་བཞིན་གྱིས་སྤྱད
iiif viewer powered by OpenSeadragon
