| e-texts navigator |
| Wylie |
306b1 དལ་འབྱོར་གཉིས་དམ་མནོས་ནས་ཕྱི་རབས་ཀྱི་རྣལ་འབྱོར་པ་དམ་ལ་གནས་པ་རྣམས་ཀྱི་སྡོངས་གྲོགས་བྱེད་པར་འགྱུར་ལ། དམ་ལ་མི་གནས་པ་རྣམས་ཀྱི་བདུད་དུ་བབ་པར་འགྱུར་རོ།། གཏོར་རྒྱུད་ཆེན་པོ་ལས།
306b2 རྣལ་འབྱོར་པས་ལོངས་སྤྱོད་གཏོར་མར་ཕུལ་བ་དང་། སྨོན་ལམ་འདེབས་ནས་དམ་བཅས་པའི་ལེའུ་སྟེ་བཅུ་བདུན་པའོ།། །། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས། ཤིན་ཏུ་འདའ་དཀའ་བའི་དམ
306b3 ཚིག་གི་ལེའུ་འདི་གསུངས་སོ།། སེམས་དཔའ་ཆེན་པོ་དམ་ཚིག་ནི་ཆོས་ཐམས་ཅད་ཀྱི་ཐོག་མར་འགྲོ་བ་སྟེ། དེ་ཅིའི་ཕྱིར་ཞེ་ན། དཔེར་ན་ས་གཞི་ལ་སྐྱེ་འཁྲུངས་སྨིན་པར་བྱེད་པ་དང་འདྲ་བས། དམ་ཚིག་འདི་ལ
306b4 སངས་རྒྱས་དང་། ཆོས་ཀྱི་དངོས་གྲུབ་ཐམས་ཅད་འབྱུང་བའི་རྒྱུའོ།། དེ་ཡང་དམ་ཚིག་རྩ་བ་གང་ཞེ་ན། རྡོ་རྗེ་སློབ་དཔོན་དང་། མཆེད་དང་ལྕམ་བྲལ་ལོ།། དེ་ལ་རྡོ་རྗེ་སློབ་དཔོན་ནི། བདག་ཉིད་ལ་རྒྱུད་གདམས
306b5 ངག་འཆད་པ་དེ་ཉིད་དུ་མ་ཟད་ཀྱིས། གང་ལ་ཤེས་པ་ཅན་དང་། བསྒོམས་ཤིང་དམ་ལ་གནས་པ་མཐའ་དག་གོ། དེ་ཅིའི་ཕྱིར་ཞེ་ན། ཐུགས་ཡེ་ཤེས་ཀྱི་དགོངས་སྤྱོད་གཅིག་ཏུ་ལྷན་ནེར་གནས་པའོ།། མཆེད་དང
306b6 ལྷལྕམ་དྲལ་ཡང་བདག་ཉིད་དང་འདྲེས་ཤིང་གཅིག་པ་དེ་གཅིག་པུར་མ་ཟད་ཀྱིས། བཀའ་དང་དམ་ལ་གནས་པའི་རྣལ་འབྱོར་གྱི་དོན་སྤྱོད་པ་མཐའ་དག་གོ། དེ་ཅིའི་ཕྱིར་ཞེ་ན། གསང་སྔགས་མཉམ་པ་ཆེན་པོའི་དོན
iiif viewer powered by OpenSeadragon
