| e-texts navigator |
| Wylie |
306a1 མིའི་རྒྱལ་པོ་རྣམས་ཀྱིས་ཀྱང་། རྒྱལ་སྲིད་རིན་པོ་ཆེ་སྣ་བདུན་ལ་སོགས་པ་གཏོར་མའི་རྐྱེན་དུ་ཕུལ་ནས་གོང་མ་བཞིན་ནོ།། དེ་བཞིན་དུ་མ་མོ་རྣམས་དང་། ཤ་ཟ་རྣམས་དང་། རིག་སྔགས་གྲུབ་པ
306a2 རྣམས་དང་། བགེགས་ཀྱི་རིགས་རྣམས་དང་། ལྟོ་འཕྱེ་དང་། མིའམ་ཅི་དང་། འགྲོ་བ་རིགས་སོ་སོ་ཐ་དད་པ་རྣམས་ཀྱིས་ཀྱང་། རང་རང་གི་འབྱོར་པ་དང་ལོངས་སྤྱོད་ཅི་ཡོད་པ་གཏོར་མའི་རྫས་སུ་ཕུལ་ནས། དམ
306a3 བཅའ་ཞིང་སྨོན་ལམ་འདེབས་སོ།། ཐམས་ཅད་གཏོར་མའི་རང་བཞིན་དུ་སངས་རྒྱས་པར་བྱེད་དོ།། དེ་ལྟ་བུའི་དོན་གྱིས་ཐམས་ཅད་གཏོར་མ་ལ་གནས་ཤིང་། གཏོར་མའི་རང་བཞིན་དུ་ལོངས་སྤྱོད་པར་གྱུར
306a4 ཏོ།། དེ་ནས་ཡང་བཅོམ་ལྡན་འདས་རྡོ་རྗེ་སེམས་དཔས་འདི་སྐད་ཅེས་བཀའ་སྩལ་ཏོ།། གསང་སྔགས་རྣལ་འབྱོར་ལ་གནས་པས། མཐར་ཕྱིན་པ་གསང་བའི་གཏོར་མ་འདི་དག་གར་སྤྱོད་པ་དེ་ཉིད་དམ་ལ་གནས
306a5 པའི་རྣལ་འབྱོར་ལ། ཅི་བསྒོ་བ་བགྱིས་ཤིང་དྲན་བཞིན་ཉན་པ་དང་། བསྟན་པ་བསྲུང་ཞིང་དེ་ལ་བསྐྱབ་པར་བྱོས། སྲིད་པ་གཅིག་གི་ཆུ་ལ་མི་འཐུང་གང་ཡང་མེད།། འཇིག་རྟེན་འདི་ཡི་དམ་ལ་མི་གནས་གང་ཡང
306a6 མེད།། གང་ཞིག་བཀའ་བཞིན་མི་བྱེད་དམ་ལ་མི་གནས་ན།། ཁྱེད་རྣམས་གསོད་ཅིང་དགའ་ལས་ལ་བྱོས།། ཞེས་བཀའ་སྩལ་པས། འཇིག་རྟེན་གྱི་དྲེགས་པ་དང་ལྷ་མ་སྲིན་རྣམས་ཀྱིས་དེ་བཞིན་དུ་བགྱིའོ།། ཞེས
iiif viewer powered by OpenSeadragon
