| e-texts navigator |
| Wylie |
305b1 བར་གྱུར་ཅིག་ཅེས་དམ་བཅའ་ཞིང་སྨོན་ལམ་འདེབས་སོ།། དེ་ལྟ་བུའི་བྱིན་རླབས་ཀྱིས་འཇིག་རྟེན་གྱི་ཁམས་ཡོངས་སུ་ཁྱབ་ཅིང་སྣང་བར་འགྱུར་རོ།། དེ་ནས་ལྷ་མ་ཡིན་རྣམས་ཀྱིས་ཀྱང་། གོ་ཆ་དང་མཚོན་ཆ་དང
305b2 སྨན་དང་། སྐྱེ་འཁྲུངས་ལ་སོགས་པ་གཏོར་མར་ཕུལ་ནས་གོང་མ་དེ་བཞིན་དུ་སྨོན་ལམ་འདེབས་ཤིང་དམ་བཅའོ།། དེ་ནས་ཡང་གནོད་སྦྱིན་རྣམས་ཀྱིས་ཀྱང་། རིན་པོ་ཆེ་རྣམ་པ་སྣ་ཚོགས་པ་དང་། འབྲུའི་ཆང་དང
305b3 བཙོས་པའི་ཆང་དང་། སྦྱར་བའི་ཆང་ལ་སོགས་པ་ཆང་རྣམ་པ་སྣ་ཚོགས་པ་དང་། གོས་དང་རྒྱན་རྣམ་པ་སྣ་ཚོགས་པ་གཏོར་མའི་རྒྱན་དུ་ཕུལ་ནས། གོང་མ་བཞིན་དུ་དམ་བཅའ་ཞིང་སྨོན་ལམ་འདེབས་སོ།། དེ་ནས
305b4 ཡང་སྲིན་པོ་རྣམས་ཀྱིས་ཀྱང་། ཤ་དང་ཁྲག་དང་རྐང་དང་། ཚིལ་བུ་ལ་སོགས་པ་གཏོར་མར་ཕུལ་ཞིང་དམ་བཅས་ཤིང་སྨོན་ལམ་འདེབས་སོ།། དེ་ནས་ཡང་ཀླུ་རྣམས་ཀྱིས་ཀྱང་། སྙིང་པོ་རྣམ་པ་སྣ་ཚོགས་པ་དང་།
305b5 ཞོ་དང་འོ་མ་དང་མར་དང་ཐུད་ལ་སོགས་པ་གཏོར་མའི་རྒྱན་དུ་ཕུལ་ནས་དམ་བཅའ་ཞིང་སྨོན་ལམ་འདེབས་སོ།། དེ་ནས་ཡང་དྲི་ཟ་རྣམས་ཀྱིས་ཀྱང་། སྤོས་དང་དྲི་རྣམ་པ་སྣ་ཚོགས་པ་གཏོར་མའི་རྐྱེན་དུ་ཕུལ་ནས
305b6 དམ་བཅའ་ཞིང་སྨོན་ལམ་འདེབས་སོ།། དེ་ནས་ཡང་གཤིན་རྗེ་རྣམས་ཀྱིས་ཀྱང་། འབྲུ་མར་དང་ཐོད་ཁྲག་ལ་སོགས་པ་རྣམས། གཏོར་མའི་རྐྱེན་དུ་ཕུལ་ནས་དམ་བཅའ་ཞིང་སྨོན་ལམ་འདེབས་སོ།། དེ་བཞིན་དུ
iiif viewer powered by OpenSeadragon
