| e-texts navigator |
| Wylie |
304a1 རྒྱས་ཟག་མི་རིང་།། ཆུ་རྣམས་ཐམས་ཅད་རྒྱ་མཚོར་བབས།། དེ་ཕྱིར་རྒྱ་མཚོ་ཉིད་ཀྱི་ངང་།། བདག་གི་ལོངས་སྤྱོད་གཏོར་མ་སྟེ།། དེ་བཞིན་གཏོར་མ་ཉིད་ཀྱི་རྒྱུ།། དཔེར་ན་འཇིག་རྟེན་ལོ་ཏོག
304a2 བཞིན།། སྔ་མ་སྨིན་པས་མི་ཆོག་སྟེ།། ཕྱིས་ཀྱང་རྒྱུན་མར་སྨིན་པ་བཞིན།། དེ་བཞིན་ཆགས་པ་མེད་གཏོར་ན།། རྒྱུ་འབྲས་རིམ་གྱིས་དེ་ལྟར་སྨིན།། དེ་མིན་ན་རཀ་འགྲོ་ཞེས་བཤད།། དེ་སྐད་བྱ་བའི་སྒྲ་འཇིག་རྟེན
304a3 བསོད་ནམས་ལས་གྲུབ་པའི་ལྷ་དང་མི་རྣམས་ཀྱིས་ཐོས་པས། འཇིག་རྟེན་གྱི་ལྷ་མ་སྲིན་ལ་སོགས་པ་རྣམས་ཀྱིས་རང་རང་གི་འབྱོར་པ་ཅི་ཡོད་པ་གཏོར་མར་ཕུལ་ནས། འབྲས་བུ་མི་འཁོར་བའི་སྨོན་ལམ་འདེབས
304a4 པ་འདི་ལྟ་སྟེ། ལྷའི་རྒྱལ་པོ་བསོད་ནམས་ལས་གྲུབ་པ་རྣམས། གཟུགས་སྡུག་པའི་ལོངས་སྤྱོད་ཀྱི་རྫས་རྣམ་པ་མང་པོ་དང་། དེ་བཞིན་སྒྲ་སྙན་པ་དང་། དྲི་ཞིམ་པོ་དང་། རོ་བྲོ་བ་དང་། རེག་བྱ་ཁྱད་པར་དུ་འཇམ་པ
304a5 ལ་སོགས་པའི་འདོད་པའི་ལོངས་སྤྱོད་རྣམ་པ་སྣ་ཚོགས་པ། དང་པོ་ཡང་བཅོམ་ལྡན་འདས་རྡོ་རྗེ་སེམས་དཔའི་སྤྲུལ་པ་གཏོར་མ་ལགས་ཏེ། བདག་ཅག་ལྷའི་རྒྱལ་པོ་རྣམས་ཀྱིས་ངོ་མཚར་བས། བདག་ཅག་རྣམས
304a6 གཏོར་མའི་ལོངས་སྤྱོད་དང་རྐྱེན་དུ་འབུལ་བས། ཕྱོགས་བཅུ་དུས་གསུམ་སངས་རྒྱས་ཐམས་ཅད་ཀྱི་སྤྱན་ལམ་དུ། ཆོས་ཉིད་མ་སྐྱེས་པའི་གཏོར་མ། སངས་རྒྱས་རྣམས་ཀྱིས་ཅི་ལྟར་ལོངས་སྤྱོད་པ་དེ་བཞིན་དུ་འབྱུང
iiif viewer powered by OpenSeadragon
