| e-texts navigator |
| Wylie |
303b1 ཅིང་ཕུལ་ན། གང་བསྒྲལ་བ་ལྟ་ཅི་སྨོས་ཀྱིས་སངས་རྒྱས་ཉིད་ཀྱང་སྒྲོལ་བར་འགྱུར་རོ།། ཐ་ན་ཡང་རྩ་བའི་གཏོར་མ་འདི་ཟུངས་སུ་བཟུང་ནས། གང་ལ་དམིགས་པའི་ཡུལ་ཕྱོགས་སམ་ཁང་པའི་གནས་སམ། གྲོང
303b2 ངམ་ལུས་ལ་གཏོར་ན་ཡང་འཆི་བར་འགྱུར་རོ།། གཞན་ཡང་ལས་སྣ་ཚོགས་པ་སྟེ། ཚེ་བསྲིང་བ་དང་། དཔལ་བསྐྱེད་པ་དང་། གདོན་བཀར་བ་དང་། གཏེར་སྩལ་བ་དང་། ཡིད་ལ་ཅི་འདོད་པ་རྣམས་འགྲུབ་པར
303b3 འགྱུར་རོ།། མཁའ་དབྱིངས་རྣམ་པར་དག་པའི་ཀློང་དུ་མི་ཟད་པའི་གཏེར་སྦས་ན། ཟད་པ་མེད་པའི་དངོས་གྲུབ་ཀྱི་གཏེར་དུ་འགྱུར་རོ།། གཞན་ཡང་འདིའི་ཡོན་ཏན་བརྗོད་ཀྱིས་མི་ལངས་སོ།། གཏོར་རྒྱུད་ཆེན་པོ
303b4 ལ། ཕྲིན་ལས་གང་བྱ་བའི་ཕན་ཡོན་གྱི་ལེའུ་སྟེ་བཅུ་དྲུག་པའོ།། །། དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔས། ལྷ་མ་སྲིན་དང་འཇིག་རྟེན་གྱི་བསོད་ནམས་ལས་གྲུབ་པ་རྣམས་ལ། འདི་ལྟ་བུའི་སྒྲ་མ
303b5 བརྗེད་པར་གསུངས་སོ།། ནོར་བས་མཚན་མར་བཟུང་བ་ནི།། འབྱོར་པའི་ལོངས་སྤྱོད་ཐམས་ཅད་ལ།། ཆགས་པས་བཟུང་ནས་གང་སྤྱད་པ།། འོ་དོད་འབོད་པ་མྱོང་བར་འགྱུར།། ཅི་ཕྱིར་ཞེ་ན་གཏོར་མ་ཡིན།། དེ་ལ
303b6 ཆགས་ན་གཏོར་མ་འཆིང་རྒྱུར་འགྱུར།། མ་ཆགས་གྲོལ་ན་ཚོགས་གཉིས་རྫོགས།། སངས་རྒྱས་མཆོད་པའི་རྒྱན་ཡིན་པས།། མ་ཆགས་སེམས་ཀྱིས་མཆོད་བྱེད་ཅིང་།། ཆགས་པ་མེད་པས་རྐྱེན་དུ་ཕུལ།། དེ་ཚེ་སངས
iiif viewer powered by OpenSeadragon
