| e-texts navigator |
| Wylie |
302b1 པ་ཐམས་ཅད་ཀུན།། རྒྱས་པར་འདོད་ན་རྒྱས་པར་བྱེད།། ཁམས་གསུམ་མ་ལུས་ཐམས་ཅད་ཀུན།། དབང་དུ་འདོད་ན་དབང་དུ་བྱེད།། མ་རུངས་ལས་ཀྱིས་མནར་བ་རྣམས།། མངོན་སྤྱོད་ལས་ཀྱིས་སྒྲོལ་བར
302b2 བྱེད།། གཞན་གྱི་ལས་རྣམས་ཐམས་ཅད་ཀུན།། ཅི་ལྟར་འདོད་པ་གང་དགར་བསྒྱུར།། གཏོར་རྒྱུད་ཆེན་པོ་ལས། ཕྲིན་ལས་རྣམ་པ་བཞིའི་ལེའུ་སྟེ་བཅོ་ལྔ་པའོ།། །། དེ་ནས་གཏོར་མ་ཆེན་པོ་འདི་རྣལ་འབྱོར་པ
302b3 རྣམས་ལ་ཕན་པར་བྱ་བར་འདོད་ན། རྣལ་འབྱོར་པ་ལ་ནད་བཞི་བརྒྱ་རྩ་བཞིའི་སྐབས་ཚོལ་བ་དང་། རིམས་དང་། ཤུ་བ་དང་། འབྲུམ་བུ་ལ་སོགས་པས་འཇིགས་པ་ན། རྩ་བའི་གཏོར་མ་འདི་རྟོགས་པའི་སྐྱེས་བུས།།
302b4 གཞུང་འདི་ལས་འབྱུང་བ་བཞིན་ཐམས་ཅད་གཏོར་མར་བསྔོས་ན། གཏོར་མ་ལས་འོད་འཕྲོས་པས། ནད་ཀྱི་དངོས་པོ་ཐམས་ཅད་ཞི་བར་བྱས་ནས། ཆོས་ཉིད་བདེ་བའི་རོར་བྱིན་གྱིས་བརླབས་ནས། ནད་ཐམས་ཅད
302b5 དང་། མཛེ་དང་ཕོལ་མིག་ཞི་བར་འགྱུར་རོ།། གཞན་ཡང་རྣལ་འབྱོར་པ་རྣམས་ལ་བགེགས་རིགས་སྟོང་ཕྲག་བརྒྱད་ཅུའི་གླགས་བལྟས་ནས། དངོས་གྲུབ་ཀྱི་བར་ཆད་བྱེད་པ་དང་། དུས་མ་ཡིན་པར་འཆི་བར་བྱེད
302b6 ཅིང་། ལོག་པར་འདྲེན་པར་བྱེད་ན་རྩ་བའི་གཏོར་མ་འདི་ལྟར་རྟོགས་ནས་ཕྲིན་ལས་ཀྱི་འདི་ལྟར་གཏོར་མ་བཏང་ན། ཐམས་ཅད་ཞི་བར་མ་ཟད། སླར་དངོས་གྲུབ་ཀྱི་ཆད་སྟོངས་དང་། འབྱོར་པའི་ལོངས་སྤྱོད
iiif viewer powered by OpenSeadragon
