| e-texts navigator |
| Wylie |
301a1 གཏོར་མ་འདོད་པའི་ལོངས་སྤྱོད་དུ་བྱིན་གྱིས་བརླབས་པའི་ཕྱག་རྒྱའོ།། དེ་ནས་ལག་པ་གཡས་པས་དཀྲུག་པའི་ཚུལ་དུ་བྱས་ལ། གཡོན་པས་ཐུགས་ཀར་སྣོད་འཛིན་པའི་ཚུལ་དུ་བྱས་པ་ནི། ཧེ་རུ
301a2 ཀ་སྤྱིའི་དམ་ཚིག་གི་ཕྱག་རྒྱའོ།། དེ་ནས་ལག་པ་གཡོན་པས་དུང་ཆེན་པོ་སྟོབ་པ་ལ། གཡས་པས་དཀྲུག་པའི་ཚུལ་དུ་བྱས་པ་ནི། ཡུམ་རྣམས་སྤྱིའི་ཕྱག་རྒྱའོ།། དེ་ནས་ལག་པ་གཡོན་པས་འཛིན་པ་ལྟར་བྱས་ལ།
301a3 གཡས་པས་ཟ་བ་ལྟར་བྱས་པ་ནི། ཁྲོ་མོ་བརྒྱད་ཀྱི་སྤྱིའི་ཕྱག་རྒྱའོ།། དེ་ནས་ལག་པ་གཡོན་པས་གནོན་པ་ལྟར་བྱས་ལ། གཡས་པས་རྔམ་པའི་ཚུལ་གྱིས་འབྲུ་ཚུགས་སུ་བལྟ་བ་ནི། ཕྲ་མེན་བརྒྱད་སྤྱིའི་ཕྱག་རྒྱའོ།། དེ
301a4 ནས་ལག་པ་གཡས་འཐོར་ཐབས་སུ་བྱས་པ་ལ། གཡོན་པས་འདེགས་པ་ལྟར་བྱས་ནས་བསྟན་པའི་ཚུལ་དུ་གནས་པ་ནི། སྒོ་བ་བཞི་སྤྱིའི་ཕྱག་རྒྱའོ།། དེ་ནས་ལག་པ་གཡས་པས་གནོན་པ་ལྟར་བྱས་ལ། གཡོན་པ
301a5 འདེགས་པ་ལྟར་བྱས་པ་ནི། སྤོར་བྱེད་མ་བརྒྱད་སྤྱིའི་ཕྱག་རྒྱའོ།། དེ་ནས་ལག་པ་གཡས་པ་རང་རྟགས་ཀྱི་ཕྱག་རྒྱ་འཕྱར་བ་ལྟར་བྱས་ལ། གཡོན་པ་ཁྲག་འཐུང་བའི་ཚུལ་དུ་བྱས་པ་ནི། དབང་ཕྱུག་མ་ཉི་ཤུ་རྩ
301a6 བརྒྱད་སྤྱིའི་ཕྱག་རྒྱའོ།། དེ་ནས་ལག་པ་གཡོན་བསྣོལ་ལ་ཁ་སྦུབ་ལ། མཐེའུ་ཆུང་གཉིས་འཁྱུད་ལ་སོར་མོ་ཕྱི་མ་བརྐྱང་ལ་སྣོད་ལ་གཏུགས་ལ། ཨོཾ་བཛྲ་ཨཱ་རལླི། ཨེ་ཨཱ་རལླི། ས་མ་ཡ་ཨཱ་རལླི། ཞེས་བརྗོད་པ་ནི།།
iiif viewer powered by OpenSeadragon
