| e-texts navigator |
| Wylie |
300a1 ལས། ཐབས་དང་ཤེས་རབ་འདུ་འབྲལ་མེད་པར་ལྷུན་གྱིས་གྲུབ་སྟེ། སྐུ་གསུང་ཐུགས་ཕྱག་རྒྱའི་འཁོར་དུ་ལྷུན་གྱིས་གྲུབ་སྟེ། སངས་མ་རྒྱས་པ་གང་ཡང་མེད་དོ།། གཏོར་རྒྱུད་ཆེན་པོ་ལས། གསུང
300a2 ཡིག་འབྲུའི་ལེའུ་སྟེ་བཅུ་གསུམ་པའོ།། །། དེ་ནས་རྡོ་རྗེ་སེམས་དཔས་ཀུན་ཏུ་བཟང་པོ་ལ་ཕྱི་ནང་གསང་བའི་མཆོད་པས་མཆོད་ནས། དྲག་པོའི་གཏོར་མ་བྱིན་གྱིས་བརླབས་པའི་སྔགས་དང་ཕྱག་རྒྱ་བསྟན་དུ
300a3 གསོལ། བཅོམ་ལྡན་འདས་ཀྱིས་བཀའ་སྩལ་པ། རྡོ་རྗེ་སེམས་དཔའ་དྲག་པོའི་གཏོར་མ་བྱིན་གྱིས་བརླབས་པའི་སྔགས་དང་ཕྱག་རྒྱ་འདི་ཡིད་ལ་ཟུང་ཞིག་ལག་པ་སོར་མོ་བསྣོལ་ལ་མཛུབ་མོ་མཐེ་བོང་ལ་གཏུགས།
300a4 མཐེ་བོང་གཉིས་ཕྱིར་བསྒྲེངས་ལ། ཨོཾ་བཛྲ་པདྨ་བྷནྡ་ལ། བ་ལིང་ཏ་བི་ཤྭ་ཙཀྲ་བྷྱཱཾ། ཞེས་བརྗོད་པ་འདི་ནི་གཏོར་མའི་སྣོད་བྱིན་གྱིས་བརླབས་པའི་སྔགས་དང་ཕྱག་རྒྱའོ།། དེ་ནས་ཡང་ལག་པ་ཁུ་ཚུར་བཅངས་ལ།
300a5 ཆེ་བའི་ཕྱག་རྒྱ་བཅས་ལ། ཨོཾ་མ་ཧ་སྨྲིག་ཏ་ཛཱ་ལ་བ་ལི་ཏ་མཎྜ་ལ་ཁཱ་ཧི། ཞེས་བརྗོད་པ་ནི། ཤའི་གཏོར་མར་བྱིན་གྱིས་བརླབས་པའི་སྔགས་དང་ཕྱག་རྒྱའོ།། དེ་ནས་ཡང་ལག་པ་ཐལ་མོ་སྦྱར་བ་ལས། རཀྟ་སྒྲེངས
300a6 པའི་ཚུལ་བྱས་ལ་གཏོར་མ་ལག་ཏུ་གསལ། མ་ཧཱ་རཀྟ་ཛ་ལ་མཎྜ་ལ་ཁ་རཾ་ཁཱ་ཧི། བ་ལིང་ཏ་ཞེས་པ་ཁྲག་གི་གཏོར་མ་སྣ་ཚོགས་པར་བྱིན་གྱིས་རླབས་པའི་སྔགས་དང་ཕྱག་རྒྱའོ།། དེ་ནས་ཡང་ལག་པ་སོ་སོའི་ཕྲེང་བ
iiif viewer powered by OpenSeadragon
