| e-texts navigator |
| Wylie |
2b1 ཆེན་པོ་སེམས་མ་དང་བཅས་པ་བརྗོད་དུ་མེད་པའི་ཡང་བརྗོད་དུ་མེད་པ་ཞིང་གི་རྡུལ་སྙེད་དང་། གཞན་ཡང་ཧེ་རུ་ཀ་རོལ་པའི་ཚོགས་གྲངས་མེད་པ་བརྗོད་དུ་མེད་པ་རྣམས་དང་། སྤྲུལ་པ་ཆེན་པོ་སྲས་ཀྱི་འཁོར་ཇི
2b2 སྙེད་པ་ལ་སྩོགས་པ་སེམས་དང་སེམས་ལས་བྱུང་བ་དང་། འབྱུང་བ་དང་། འབྱུང་བ་ལས་གྱུར་པ་ཇི་ལྟ་བ་དང་ཇི་སྙེད་པ་རྣམས་དང་། ཐབས་ཅིག་ཏུ་བསྙེངས་པ་མི་མངའ་བར་བཞུགས་པ་ནི། དཔེར་ན་ཡུངས་འབྲུ
2b3 སྣུམ་གྱིས་གང་བ་བཞིན་དུ་གང་ནས་ཁྱབ་པར་བཞུགས་སོ།། ཡུམ་ཀུན་ཏུ་བཟང་མོ་ཡང་ཉིད་ཀྱི་སྐུ་ལ་འཁྲིལ་བའི་ཚུལ་གྱིས་བསྙེངས་པ་མི་མངའ་བར་མངོན་པར་འདུ་མཛད་དོ།། འཁོར་གྱི་དཀྱིལ་འཁོར་དེ་ཉིད་ན
2b4 རྣལ་འབྱོར་གྱི་དབང་ཕྱུག་རྡོ་རྗེ་ཡིད་ཀུན་ཏུ་བཟང་པོ་ཡང་བཙུན་མོ་ཆོས་སྐུ་ཀུན་ཏུ་བཟང་མོ་དང་གཉིས་སུ་མེད་པའི་ཚུལ་བཅོམ་ལྡན་འདས་ཀྱི་སྤྱན་སྔ་ནས་བཀའ་ནོད་ཅིང་སྤོང་བ་ཅན་དུ་བཞུགས་སོ།། དེ་ནས
2b5 བཅོམ་ལྡན་འདས་གསང་བ་མཆོག་གི་བདག་པོ་དེས། སེམས་དང་སེམས་ལས་བྱུང་བ་དང་། འབྱུང་བ་དང་། འབྱུང་བ་ལས་གྱུར་པའི་ཆོས་དུས་གསུམ་དང་། སྲིད་པ་གསུམ་གྱིས་བསྡུས་པ་དང་། གཞན་ཡང་བསམ
2b6 གཏན་དང་སྙོམས་པར་འཇུག་པ་དང་། འགོག་པ་དང་། སའི་ཁྱད་པར་ལ་སྩོགས་པའི་ཆོས་སྣང་གྲག་ལ་རྫུ་འཕྲུལ་གྱི་སྤྱན་གྱིས་ཀུན་ཏུ་ཁྱབ་པར་གཟིགས་སོ།། རྣམ་པར་གཟིགས་སོ།། དེ་བཞིན་དུ་ཕྱོགས་བཅུ་དང
iiif viewer powered by OpenSeadragon
