| e-texts navigator |
| Wylie |
29a1 ཡང་།། རབ་ཏུ་བརྒྱལ་ཏེ་འཆི་གྱུར་ན།། ཁམས་གསུམ་སྐྱེ་བོ་སྨོས་ཅི་དགོས།། ཨོཾ་བཛྲ་ཀྲོ་དྷི་ཨེ་ཀ་ཛཱ་ཊི་ཧཱུཾ་ཨཱཿ། ཁྲོ་མོའི་སྟབས་སུ་གནས་བྱ་སྟེ།། གཡས་པ་ཐབས་ཀྱིས་གཙོ་ལ་འཁྱུད།། གཡོན་པས
29a2 དུང་ཁྲག་གཙོ་ལ་སྟོབ།། འདི་ནི་ཁྲོས་པའི་རྒྱལ་མོ་སྟེ།། སྔགས་དང་ཕྱག་རྒྱ་འདི་ཡིས་ནི།། སངས་རྒྱས་གྲགས་པ་ཆེན་པོ་ཡང་།། མཉེས་ཤིང་དབང་དུ་འགྱུར་བར་ངེས།། ཨོཾ་བཛྲ་ཀཱི་ལི་ཀི་ལ་ཡ་སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ།
29a3 རྐང་པ་མཐིལ་སྤྲད་ཐུར་དུ་གཟུག། གཡས་པ་སྟ་རེ་གྱེན་དུ་ཕྱར།། གཡོན་པ་ཕུར་པ་འདེབས་ཚུལ་གཟུང་།། གཅུ་ཐབས་ཟུར་གྱིས་མནན་ཅིང་བལྟ།། འདི་ནི་སྲས་མཆོག་ཕུར་པའི་སྟེ།། སྔགས་དང་ཕྱག་རྒྱ་འདི་ཡིས
29a4 ནི།། ལན་གསུམ་དྲག་ཏུ་བཟླས་པ་ཡིས།། སངས་རྒྱས་ཉིད་ཀྱང་འཇིག་གྱུར་ན།། ཁམས་གསུམ་སྐྱེ་བོ་སྨོས་ཅི་དགོས།། ཨོཾ་བཛྲ་ཀྲོ་ཏ་ཧཱུཾ་ཀཱ་ར་ཧཱུཾ་གརྫ་གརྫ་ཧཱུཾ་ཕཊ། ལག་གཉིས་ཐལ་སྦྱར་གྱེན་དུ་བསྒྲེང་།། རྐང་པ
29a5 མཐིལ་སྤྲད་ཐུར་དུ་གཟུག། རོལ་པའི་སྟབས་ཀྱིས་གར་བྱེད་པ།། ཧཱུཾ་ཆེན་གྱི་ནི་ཡིན་པར་བཤད།། སྔགས་དང་ཕྱག་རྒྱ་འདི་ཡིས་ནི།། སངས་རྒྱས་ཉིད་ཀྱང་འགུགས་གྱུར་ན།། བུ་མོ་རྣམས་ལྟ་ཅི་ཞིག་སྨོས།། ཨོཾ་བཛྲ
29a6 ཀྲོ་ཏ་བི་ཛ་ཡ་ཧཱུཾ་ཧ་ན་ཧ་ན་ཧཱུཾ་ཕཊ། ལག་གཡོན་ཁྲོ་མཛུབ་སྙིང་གར་བཞག། གཡས་པ་ལྕགས་ཀྱུ་ལྟར་བྱས་པ།། སྤྱན་བཟློག་སྟོབས་ཀྱིས་བལྟ་བ་ནི།། རྣམ་པར་རྒྱལ་བའི་ཡིན་པར་བཤད།། སྔགས་དང་ཕྱག་རྒྱ་འདི
iiif viewer powered by OpenSeadragon
