| e-texts navigator |
| Wylie |
299b1 ཧ་བཅུ་དྲུག། རུ་ལུ་རུ་ལུ་བྷྱོ་ལ་སོགས་པ་སྐུ་ལས་ཐོན་ནས། ཡེ་ཤེས་ལྔར་བྱིན་གྱིས་བརླབས་པས། འཇིག་རྟེན་གྱི་ཁམས་ཐམས་ཅད་གཡོས་རབ་ཏུ་གཡོས། འུར་འུར་རབ་ཏུ་འུར། ཆེམ་ཆེམ་རབ་ཏུ་ཆེམ་པར་གྱུར
299b2 ནས། ཐམས་ཅད་མགྲིན་གཅིག་ཏུ་བདེ་བའི་ཚོགས་མནོས། དམ་བཅས་ནས་དཀྱིལ་འཁོར་གྱི་གདན་དུ་བཏིང་ངོ་།། དེ་ནས་གསུང་ཡིག་འབྲུའི་དཀྱིལ་འཁོར་ལ། ཡེ་ཤེས་ཆེན་པོའི་ཁྱད་པར་ཉིད་ལས་མི་གཞན་པའི
299b3 འཁོར་དང་། འགྲོ་བ་འདུལ་བའི་འཁོར་དང་། ཐུགས་རྗེ་སྤྲུལ་པའི་འཁོར་ལ་སོགས་པ་ཐམས་ཅད་མ་སྐྱེས་པ་ལས་སྐྱེ་བའི་ཆོ་འཕྲུལ་དུ་མཐོང་བས། ཇི་ལྟར་སྣང་བ་ཐམས་ཅད་ཚིག་གིས་མ་བསྡུས་པ་གང་ཡང་མེད
299b4 པ་ལ། ཚིག་ཐམས་ཅད་ཡི་གེས་མ་བསྡུས་པ་གང་ཡང་མེད་པས། འོ་ན་ཡི་གེའི་རང་བཞིན་ནི། སངས་མ་རྒྱས་པ་གང་ཡང་མེད་པས། ཇི་ལྟར་སྣང་བའི་ཆོས་ཐམས་ཅད་སངས་མ་རྒྱས་པ་གང་ཡང་མེད་པས། ཀུན
299b5 གཞི་ཡུལ་གྱི་རྣམ་པ་ལ་སྣང་ངོ་།། གཟུགས་དང་ཕུང་པོས་བསྡུས་པ་ཐམས་ཅད་ཁ་དོག་དང་དབྱིབས་སུ་མི་སྣང་བ་གང་ཡང་མེད་ལ། ཁ་དོག་དང་དབྱིབས་ཐམས་ཅད་ལྷའི་དཀྱིལ་འཁོར་དུ་སངས་མ་རྒྱས་པ་གང་ཡང
299b6 མེད་པས། རྣམ་པར་ཤེས་པའི་ཕུང་པོ་ཐམས་ཅད་སངས་མ་རྒྱས་པ་གང་ཡང་མེད་པར་དབང་པོ་སེམས་ཀྱི་རྣམ་པ་ལ་སྣང་ངོ་།། དེ་ལྟར་ཡུལ་དང་དབང་པོ་ཐམས་ཅད་དབྱིངས་དང་ཡེ་ཤེས་གཉིས་སུ་མེད་པ
iiif viewer powered by OpenSeadragon
