| e-texts navigator |
| Wylie |
298b1 དང་། ཆོ་འཕྲུལ་ཕྲིན་ལས་མཛད་པ་དང་། ཆོས་བསྟན་པ་དང་། ཞི་བས་མི་འདུལ་བ་ཡང་དྲག་པོའི་ཕྲིན་ལས་མཛད་ནས། རིགས་ངེས་པའི་སྲས་དང་ཐབས་ཅིག་པ་གཉིས་སུ་མེད་པའི་དེ་རྣམས་ཀྱང་། གཏོར་མའི
298b2 རང་བཞིན་དུ་བསྒྱུར་ཞིང་ཕྲིན་ལས་མཛད་དོ།། དེ་ནས་ཁ་ལོ་ཕྱིན་ཅི་ལོག་ཏུ་བལྟས་པས་འཕགས་པའི་ཞལ་ཉི་ཟེར་ཙམ་ཡང་མི་མཐོང་བ། བསོད་ནམས་ཀྱི་སྐལ་པ་ཆུང་བ་རྣམས་ལ། ཐུགས་རྗེ་སྤྲུལ་པའི་འཁོར་ལྷ
298b3 ཆེན་པོ་དང་། ཀླུ་ཆེན་པོ་དང་། གཟའ་ཆེན་པོ་དང་། གནོད་སྦྱིན་ཆེན་པོ་དང་། རྒྱུ་སྐར་ལ་སོགས་པ་དང་། དབང་ཕྱུག་ཉི་ཤུ་རྩ་བརྒྱད་དང་། ཕོ་ཉ་སུམ་བརྒྱ་དྲུག་ཅུ་དང་། གིང་ཆེན་བཅོ་བརྒྱད་དང་། མ་བདུན་སྲིང
298b4 བཞི་ལ་སྤྲུལ་ནས། དེ་ཡང་ལས་ངན་པའི་འཕྲོ་གཅོད་ཅིང་། གཏོར་མའི་ཕྲིན་ལས་མཛད་དོ།། དེ་བས་ཀྱང་དམ་ཚིག་ཉམས་པར་གྱུར་པ་རྣམས་ལ་ནི། ཡང་སྦྲུལ་ཆེན་པོ་མཁའ་འགྲོ་འབུམ་སྡེར་སྤྲུལ་ནས། འཇིག
298b5 རྟེན་གྱི་ཁམས་ཐམས་ཅད་དུ། ཡུལ་དང་། གནས་དང་། རི་དང་། ནགས་དང་། མཚོ་དང་། གཡའ་རི་དང་། གངས་རྒྱུད་ལ་འཁོད་ནས། དེས་ཀྱང་གཏོར་མའི་ཕྲིན་ལས་སུ་འབུལ་བར་མཛད་ནས། ལས་ངན་པའི
298b6 དབང་གིས་དྲེགས་པར་མཛད་དོ།། གཏོར་རྒྱུད་ཆེན་པོ་ལས། དྲག་པོའི་གཏོར་མའི་ལེའུ་སྟེ་བཅུ་གཅིག་པའོ།། །། དེ་ནས་རྡོ་རྗེ་སེམས་དཔས། འབྱུང་བ་ལྔ་དང་སྣོད་ཐམས་ཅད་གཏོར་མའི་སྣོད། དངོས
iiif viewer powered by OpenSeadragon
