| e-texts navigator |
| Wylie |
298a1 དང་། ཟང་གཤོལ་དང་། ཁ་ཊྭཱཾ་ག་ལ་སོགས་པ་ཡང་དཔའ་རྟགས་སུ་ཁྱེར་རོ།། ལ་ལས་ཉོན་མོངས་པ་ལས་རྒྱལ་བ་དཔའ་རྟགས་སུ་ཁྱེར་ཏེ། ཁྱུང་གི་གཤོག་པ་དང་། སྦྲུལ་གྱི་ཆུན་པོ་དང་། གླང་པོ
298a2 ཆེའི་ཀོ་བ་རློན་པ་དང་། སྟག་གི་ཤམ་ཐབས་ལ་སོགས་པ་དཔའ་རྟགས་སུ་ཁྱེར་ནས། ཁམས་གསུམ་ཐིག་ལེ་ཆེན་པོས་བཏབ། དམྱལ་བ་དོང་སྤྲུགས་ནས། རྒྱལ་བའི་དཀྱིལ་འཁོར་བྱིན་དབབ་པས། ཉོན་མོངས་པ
298a3 རང་རྒྱུད་དུ་དག། དུག་བདུད་རྩིར་བསྒྱུར། རཱ་ཏྲ་རྫས་ཀྱི་གཏོར་མར་ལོངས་སྤྱོད་པས། དེ་ནི་བདུད་བཅོམ་བགེགས་བསད་པའི་གཏོར་མའོ།། གཏོར་རྒྱུད་ཆེན་པོ་ལས། བདུད་རཱ་ཏྲ་བཏུལ་བའི་ལེའུ་སྟེ་བཅུ
298a4 པའོ།། །། དེ་ནས་འབྲས་བུ་བསྒྲལ་ཀྱང་ས་བོན་གྱི་རྩ་བ་མཆོད། རཱ་ཏྲ་བསྒྲལ་ཀྱང་ངན་སོང་གི་སྡུག་བསྔལ་མཆོད་དེ། ཉོན་མོངས་པའི་སྐྱེ་བོ་དང་། སྔགས་ལོག་པར་སྤྱོད་པ་རང་རྒྱུད་དུ་གནས་པས། ད་ནི་ཁྲོ
298a5 མོས་འདུལ་བའི་དུས་ལ་བབ་པར་གཟིགས་ནས། འཁོར་ཉེ་བའི་སྲས་བརྒྱད་གོ་རཱི་ཁྲོ་མོ་བརྒྱད་དུ་སྤྲུལ། སེམས་མ་བརྒྱད་ནི་ཕྲ་མེན་ཆེན་མོ་བརྒྱད་དུ་བསྒྱུར། ཐུབ་པ་དྲུག་དང་ཡིད་དང་ཆོས་ནི་སྤོར་བྱེད་ཆེན་མོ
298a6 བརྒྱད་དུ་བསྒྱུར། རྒྱུའི་བྱང་ཆུབ་སེམས་དཔའ་བཅུ་དྲུག་དང་། འབྲས་བུའི་བྱང་ཆུབ་སེམས་དཔའ་བཅུ་དྲུག་ནི། མཁའ་འགྲོ་སུམ་ཅུ་རྩ་གཉིས་སུ་བསྒྱུར། སྒོ་བ་རང་ལོག་ཏུ་བསྒྱུར་ནས་དཀྱིལ་འཁོར་དུ་འཁོད་པ
iiif viewer powered by OpenSeadragon
