| e-texts navigator |
| Wylie |
297b1 ཤིན་ཏུ་གདུལ་དཀའ་བར་གཟིགས་པས། སླར་ལོག་པ་དང་། བཅོམ་ལྡན་འདས་ཀྱིས་ཧཱུཾ་ཞེས་བཅོ་བརྒྱད་ཀྱི་འགྱུར་བཞེངས་ནས། རིགས་ལྔ་ལ་སོགས་པ་ཡབ་ཡུམ་གནས་བསྒྱུར། ཧེ་རུ་ཀ་ཡབ་ཡུམ་བཅོ་བརྒྱད་དུ
297b2 བསྒྱུར་ནས། སྟོང་གསུམ་གྱི་སྟོང་ཆེན་པོ་ཐམས་ཅད་ཧེ་རུ་ཀ་ཡབ་ཡུམ་གྱིས་ལྷག་གིས་ཁེངས་ནས། གཏར་ཚན་རྩི་སྦུར་ལ་རེག་པ་བཞིན་དུ་རཱུ་ཏྲ་དང་དྲེགས་པ་ཅན་ཐམས་ཅད་རེག་པ་ཙམ་གྱིས་བསྒྲལ་ནས། འབྱུང
297b3 བ་ཡུམ་གྱི་གཏོར་གཞོང་དུ། དུར་ཁྲོད་འབར་བའི་གཏོར་མ་གཅལ་བཀྲམ་ནས། ཉོན་མོངས་པ་ཟད་པར་མཛད་པའི་སྐུ་ཐམས་ཅད་གཉིས་སུ་མེད་པའི། ཆོས་ཉིད་ཀྱི་ལོངས་སྤྱོད་བདེ་བ་ཆེན་པོའི་ངང་དུ་མཛད་དེ།
297b4 ཆོས་ཉིད་བྷན་དྷའི་སྣོད་དུ་འདོད་ཆགས་ཟད་པར་མཛད་པའི་ཕྱིར། རཀྟའི་དུང་ཁྲག་འཁྲུག་ཅིང་གསོལ། གཞན་ཡང་ཆོས་ཉིད་ཀྱི་ལོངས་སྤྱོད་ལ་ལས་ཤ་ལ་རོལ། ལ་ལས་རུས་ལ་རོལ། ལ་ལས་ཁྲག་ལ་རོལ། ལ
297b5 ལས་ཙིཏྟ་ལ་རོལ། ལ་ལས་བ་སུ་ཏ་ལ་རོལ། ལ་ལས་དབང་པོ་ལྔ་ལ་རོལ། ཆོས་ཉིད་ཀྱི་རྒྱན་དུ་བྱས། ཉོན་མོངས་པ་དཔའ་རྟགས་སུ་ཁྱེར། ལ་ལས་ཞིང་གི་གདན་དཔའ་རྟགས་སུ་ཁྱེར། ལ་ལས་ཞིང་གི་གཡང
297b6 གཞི། ལ་ལས་ཐོད་པའི་འཕྲེང་བ། ལ་ལས་ཁྲག་གི་ཐིག་ལེ། ལ་ལས་ཞག་གི་ཟོ་རིས། ལ་ལས་ཐལ་བའི་མཚན་མ་རྟགས་སུ་ཁྱེར་རོ།། ལ་ལས་ཉོན་མོངས་པའི་ཕྱག་ཆ་རང་ལ་བསྐོར་ཏེ། རལ་གྲི་དང་། དགྲ་སྟ
iiif viewer powered by OpenSeadragon
