| e-texts navigator |
| Wylie |
296b1 རིགས་ལྔའི་སངས་རྒྱས་རྣམས་ལ་སྟོང་གསུམ་གྱི་སྟོང་ཆེན་པོ་ཐམས་ཅད་གཏོར་མའི་སྣོད་དང་། གཏོར་མའི་རྫས་དང་། གཏོར་མའི་ལྷ་ཡིན་ན་ལོག་པར་གོ་བ་མཐོང་ངམ་ཞེས་བཀའ་སྩལ་པས། རིགས་ལྔའི་སངས
296b2 རྒྱས་རྣམས་ཀྱིས་གསོལ་པ། རྡོ་རྗེ་སེམས་དཔའ་ཆེན་པོ། དེ་དེ་བཞིན་ནོ།། དེ་དེ་བཞིན་ཏེ། འདི་དྲག་པོའི་གཏོར་མས་འདུལ་བའི་དུས་ལ་བབས་སོ་ཞེས་གསོལ་པས། རྡོ་རྗེ་སེམས་དཔའ་གཏོར་མ་ལ་ཁ་ལོ་ཕྱིན་ཅི།
296b3 ལོག་ཏུ་སྣང་བ་རྣམས་ལ། ཐུགས་རབ་ཏུ་ཁྲོས་སྐུ་རབ་ཏུ་ཚིགས་ནས། ཀུན་ཏུ་བཟང་པོ་ཧེ་རུ་ཀ་ལ་སོགས་པ་ཡེ་ཤེས་ཀྱི་ཧེ་རུ་ཀ་བཞི་ཆོས་ཀྱི་སྐུ་ལས་བཞེངས་སུ་གསོལ། སྟོང་གསུམ་གྱི་སྟོང་ཆེན་པོ་འཇིག་རྟེན་གྱི
296b4 ཁམས་སུ་གཟིགས་པ་ལས། ཐམས་ཅད་གཏོར་མའི་རང་བཞིན་དུ་ལྷུན་གྱིས་གྲུབ་ཏེ་བཞུགས་པ་ལ། དེ་ལ་གཏོར་མར་མི་རྟོག་མི་འཛིན་པར་ཕྱིན་ཅི་ལོག་ཏུ་རྟོག་ཅིང་འཛིན་པས། རིགས་གཅིག་པའི་སངས་རྒྱས་ཀྱི
296b5 གཏོར་མ་ལས། འགྲོ་བ་མང་པོ་སྡུག་བསྔལ་ཐ་དད་པར་སྣང་བ་གཟིགས་ནས། ཡེ་ཤེས་ཀྱི་ཧེ་རུ་ཀ་རྣམས་སྐུ་རབ་ཏུ་ཁྲོས། ཐུགས་རབ་ཏུ་འཚིགས་ནས། དབུ་དགུ་པ་དང་། དབུ་ཉི་ཤུ་རྩ་གཅིག་པ་དང་། དབུ་གསུམ
296b6 པ་དང་། ཕྱག་དྲུག་པ་དང་། ཕྱག་བཅོ་བརྒྱད་པ་དང་། ཕྱག་བཞི་བཅུ་རྩ་གཉིས་པ་དང་། ཞབས་བཞི་པ་དང་། ཞབས་བརྒྱད་པ་དང་། འབར་བའི་ཆ་ལུགས་སུ་མཐོང་ནས་ཞལ་ནས་ཀྱང་། ཨོཾ་ཤྲཱི་ཧེ་རུ་ཀ་རུ་ལུ་རུ་ལུ
iiif viewer powered by OpenSeadragon
