| e-texts navigator |
| Wylie |
296a1 འཇིགས་པ་དང་། ལ་ལ་ནི་གཅིག་གིས་གཅིག་སྙིང་རྗེ་དང་བྲལ་ཏེ་དེད་པ་དང་། ལ་ལ་ནི་སྙིང་རྗེ་དང་བྲལ་ཏེ་གཅིག་གིས་གཅིག་གསོད་པ་དང་། ལ་ལ་སྙིང་རྗེ་དང་བྲལ་ཏེ་གཅིག་གི་གཅིག་ཟ་བ་དང་།
296a2 ལ་ལ་གཏི་མུག་རྨོངས་པའི་དབང་དུ་བྱས་ནས། ཡང་དག་པའི་སྒོ་འགོག་ཤིང་། ལོག་པའི་ལམ་དུ་ཁྲིད་པ་དང་། ལ་ལ་འདོད་ཆགས་ཞེན་པའི་དབང་དུ་བྱས་ནས། སེམས་ཅན་བསད་པའི་ཤ་ཟ་ཞིང་ཁྲག་འཐུང་བ
296a3 དང་། ལ་ལ་ང་རྒྱལ་དྲེགས་པའི་དབང་གིས། ཞེ་སྡང་ཆེན་པོའི་ལུས་བླངས་པ་དང་། མགོ་གཅིག་ལ་ལུས་མང་པོར་སྤྲུལ་ནས་འཁོར་མ་མོ་དང་མཁའ་འགྲོ་དང་། ཤ་ཟ་ལ་སོགས་པས་བསྐོར་ནས་རབ་ཏུ་དྲེགས་པའི
296a4 བརྟུལ་ཞུགས་ཀྱིས། སངས་རྒྱས་ཀྱི་བཀའ་ལ་རྒྱབ་ཀྱིས་ཕྱོགས་ནས་དམྱལ་བའི་སྲིན་པོའི་སྤྱོད་པ་དང་། སྣང་སྣང་ནི་སྒྲོལ། རྙེད་རྙེད་ནི་ཟ། ཕྲད་ཕྲད་ནི་སྦྱོར་ཞིང་ངའི་གོང་ན་སུ་ཡང་མེད་དོ་ཞེས་འདུ་ཤེས་སྐྱེ་བར
296a5 བྱེད་པ་རྣམས་གཟིགས་པས། རྡོ་རྗེ་སེམས་དཔའ་ཤིན་ཏུ་སྔངས་ཤིང་ཤིན་ཏུ་ཡང་བརྒྱལ་ཏེ་འགྱེལ་ཏོ།། ང་ལ་མགོན་མེད་དོ།། ང་ལ་སྐྱབས་མེད་དོ།། ང་ལ་དཔུང་གཉེན་མེད་དོ་ཞེས་དམོད་དུ་བོར་ནས་བརྒྱ་ལ
296a6 ལོ།། དེ་ལྟར་བརྒྱ་ལ་སངས་པ་དང་རིགས་ལྔའི་སངས་རྒྱས་རྣམས་ཀྱང་སྟུག་པོས་བརྒྱན་པར་འདུས་སོ།། རྡོ་རྗེ་སེམས་དཔའ་བརྒྱ་ལ་སངས་པ་དང་། རིགས་ལྔའི་སངས་རྒྱས་རྣམས་དྲུང་ན་འཁོད་པ་མཐོང་ནས།།
iiif viewer powered by OpenSeadragon
