| e-texts navigator |
| Wylie |
294b1 ཕངས་པ་ནི། བཀྲེས་ཤིང་སྐོམ་པའི་གནས་སུལ་དང་། གྱེན་མི་འཛེག་པ་དང་མཐུར་མི་ཕེབ་པ་དང་། གཏོར་མའི་དོན་མ་རིག་པས། འོན་པ་དང་། དིག་པ་དང་། གཏོར་མའི་གནས་མ་འབྱོངས་པས། ན་བ་དང་། ཚ
294b2 བ་དང་། གཏོར་མའི་འབྲས་བུ་མ་ཤེས་པས། རྒས་པ་དང་། རྒུད་པ་དང་། གཏོར་མའི་ཆོས་ཉིད་མ་ཤེས་པས། སྐྱེ་བ་དང་། འཆི་བ་དང་། གཏོར་མའི་སྒྲིབ་པ་མ་དག་པས། ནད་དུ་མཛེ་དང་། ཤུ་བ་དང་། འབྲུམ་བུ
294b3 ལ་སོགས་པ་ནད་སྣ་ཚོགས་མྱོང་ནས། བསྐལ་པ་རེ་རེར་སྡུག་བསྔལ་བ་སྣ་ཚོགས་སྤྱོད་པའི་རྒྱུར་འགྱུར་རོ།། གཏོར་རྒྱུད་ཆེན་པོ་ལས། གཏོར་མའི་རང་བཞིན་མ་ཤེས་པས། འགྲོ་བ་སེམས་ཅན་སོ་སོར་སྐྱེ་བའི་ལེའུ
294b4 སྟེ་བདུན་པའོ།། །། དེ་ནས་གཞི་ཐམས་ཅད་གཏོར་མའི་སྣོད་ཡིན་པར་མ་ཤེས་པས། ལ་ལས་ཤལ་མ་རི་དང་། ཟངས་ཀྱི་ཁང་པ་དང་། མཚོན་ཆའི་ཆར་ལ་སོགས་པ་དང་། དམྱལ་བའི་སྤྱོད་པར་མཐོང་ངོ་།། ལ
294b5 ལས་རྣག་ཁྲག་དང་། ཚེར་དོང་ལ་སོགས་པ་ཡི་དྭགས་ཀྱི་གནས་སུ་མཐོང་ངོ་།། ལ་ལས་གོང་ཡིན་པར་ངོ་མ་ཤེས་སོ།། ལ་ལས་ཚེར་དོང་དང་བྱ་སྐྱིབས་དང་། གྱེན་དང་མཐུར་དང་། ངམ་གྲོག་ལ་སོགས་པའི་གནས
294b6 སུ་མཐོང་ངོ་།། ལ་ལས་བརྒལ་ཞིང་བསད་པའི་གནས་སུ་མཐོང་ངོ་།། ལ་ལས་ཡིད་དུ་འོང་བའི་གནས་དང་། བསོད་ནམས་ཆེ་ཆུང་གི་གནས་སུ་འདུག་པར་མཐོང་ངོ་།། གཏོར་མའི་མཆོད་རྫས་ཀྱི་ལོངས་སྤྱོད་ངོ་མ
iiif viewer powered by OpenSeadragon
