| e-texts navigator |
| Wylie |
294a1 འདི་མི་འཛིན་པ་དང་། རྒྱུད་འདི་མི་མཉན་པ་དང་། རྒུད་འདིའི་མིང་ཙམ་ཡང་ཆ་མེད་པ་རྣམས། བྱོལ་སོང་དུ་སྐྱེས་ཏེ། ཟས་ངན་པ་སྣ་ཚོགས་པ་ཟ་བ་དང་། ལས་ངན་པ་སྣ་ཚོགས་པ་བྱེད་པ་དང་།
294a2 བསད་པ་དང་། སྦྱར་བ་དང་། བཤའ་བ་དང་། གཞུར་བ་དང་། སྤྱད་པ་དང་། བཀོལ་བ་དང་། བརྡུང་བ་དང་། བདའ་བ་ལ་སོགས་པ་ཤིན་ཏུ་སྡུག་བསྔལ་བའི་གནས་ན། བསྐལ་པ་ལྔ་བརྒྱར་སྡུག་བསྔལ་ཉམས་སུ
294a3 མྱོང་བར་འགྱུར་རོ།། དེ་ནས་ཡང་ཐམས་ཅད་གཏོར་མར་གནས་པའི་དོན་མ་རྟོགས་ནས། གང་ཟག་སྐྱེ་བོའི་སར་སྐྱེས་པ་ན། ཡུལ་དང་གནས་ལ་ཕྱོགས་རིས་སུ་འཛིན་པ་དང་། རྫས་དང་གཡོག་འཁོར་ལ་ཕྱོགས
294a4 དང་རིས་སུ་འཛིན་པ། གང་ཟག་ཆོས་སྤྱོད་པ་ན་ཡང་། ཆོས་ལ་ཕྱོགས་རིས་སུ་འཛིན་པ་དང་། ཡང་དག་པའི་དོན་མཁྱེན་པ་ལ་ཕྲག་དོག་ཏུ་འཛིན་པ་རྣམས་ལྷ་མ་ཡིན་གྱི་གནས་སུ་སྐྱེས་ནས། འཐབ་པ་དང་རྩོད་པའི
294a5 རྒྱུར་འགྱུར་རོ།། དེ་ནས་ཡང་གཏོར་མའི་རྫས་དང་གཏོར་མའི་སྣོད་དང་། གཏོར་མའི་ལྷ་ངོ་མ་ཤེས་པས་གཞན་དུ་བསོད་ནམས་ཀྱི་ཚོགས་གསོག་པ་ནི། ལྷ་ཞེས་བྱ་བའི་རིས་སུ་བཟུང་སྟེ་འཆི་འཕོ་དང་ལྟུང་བའི་སྡུག
294a6 བསྔལ་ཉམས་སུ་མྱོང་བར་འགྱུར་རོ།། དེས་ན་གནས་ཀྱང་གཏོར་མ་ལ་གནས། སྤྱོད་ཀྱང་གཏོར་མ་ལ་སྤྱོད། ཡིན་ཡང་གཏོར་མའི་ལྷ་ཡིན་པའི་དོན་མ་ཐོས་པ་དང་། མ་རིག་པ་དང་མི་གནས་ནས་རྫས་ལ་སྤྱད་དུ
iiif viewer powered by OpenSeadragon
