| e-texts navigator |
| Wylie |
293b1 པར་ཡོད་དོ།། གཏོར་རྒྱུད་ཆེན་པོ་ལས། གཏོར་མའི་དོན་མ་ཐོས་ཤིང་མ་རྟོགས་ན། སེམས་ཅན་དམྱལ་བའི་ལེའུ་སྟེ་དྲུག་པའོ།། །། དེ་ནས་ཡང་ཐམས་ཅད་གཏོར་མ་ཡིན་པའི་དོན་མི་ཤེས་ནས། གང་ཟག་སྐྱེ
293b2 བོར་སྐྱེས་ན། གཏོར་མ་མ་ཤེས་རྫས་སུ་བཟུང་བས། འཁྲུལ་པའི་དབང་གིས་ཆགས་པ་དང་། འཇུངས་པ་དང་། བརྐམ་པ་ལ་སོགས་པའི་ལས་སྤྱད་པ་དང་། གང་ཟག་ཆོས་ཀྱི་ཕྱོགས་སུ་འབྲངས་པ་ཡང་། སྙིང་རྗེ
293b3 ཆུང་བ་དང་། སེར་སྣ་ཆེ་བ་དང་། གཞན་ལ་ཡོད་པར་མི་དགའ་བ་དང་། གཞན་གྱིས་ཡོན་ཏན་ལོབས་པར་མི་དགའ་བ་དང་། གཞན་ལ་འཁོར་རྒྱས་འདེགས་པར་མི་དགའ་བ་རྣམས། ལས་ཀྱི་དབང་གིས་སེམས
293b4 ཅན་ཡི་དྭགས་ཀྱི་གནས་སུ་སྐྱེས་ཏེ། ཕྱིའི་སྒྲིབ་པ་ཅན་དང་། ནང་གི་སྒྲིབ་པ་ཅན་དང་། སྒྲིབ་པ་ཅན་གྱི་སྒྲིབ་པ་ཅན་ལ་སོགས་པའི་གནས་སུ། བསྐལ་པ་སྟོང་ཕྲག་བརྒྱར་སྡུག་བསྔལ་ཉམས་སུ་མྱོང་བར་འགྱུར
293b5 རོ།། དེ་ཡང་ཐམས་ཅད་གཏོར་མ་ཡིན་པའི་དོན་མངོན་པར་མ་ཤེས་པས། གང་ཟག་སྐྱེ་བོར་སྐྱེས་པ་ན། ཟས་ཐམས་ཅད་གཏོར་མའི་རྫས་མ་ཡིན་པར། སོ་སོ་གཏི་མུག་གིས་རང་རང་གི་འཚལ་མར་མཐོང་། གཏོར
293b6 མའི་ལྷ་ཐམས་ཅད་སེམས་ཅན་རང་གཟུགས་སོ་སོར་མཐོང་བ་དང་། གང་ཟག་ཆོས་ཀྱི་རྗེས་སུ་འབྲངས་པ་ཡིན་ན་ཡང་། གཏོར་མའི་རྒྱུད་འདི་མ་རྟོགས་པར་སྤྱད་པའི་ཐབས་ཀྱི་གཏོར་མ་དང་། གཏོར་མའི་རྒྱུད
iiif viewer powered by OpenSeadragon
