| e-texts navigator |
| Wylie |
293a1 པ་དང་། གང་ཟག་ཆོས་ཀྱི་རྗེས་སུ་འབྲངས་པ་ཡིན་ན་ཡང་། དྷརྨའི་གླེགས་བམ་བརྐུས་ནས་བྲོས་པ་རྣམས། ལས་ཀྱི་དབང་གིས་གནས་དེར་སྐྱེས་ནས། ཤིན་ཏུ་སྡུག་བསྔལ་ཞིང་སྙིང་རྗེ་བར་གནས
293a2 སོ།། དེ་ལ་རྟག་པའི་དམྱལ་བ་གང་ཞེ་ན། ཤིན་ཏུ་ཁྲོ་བོའི་གནས་ན། ལུས་ལ་ལྕགས་ཀྱི་སེར་བས་བརྡུངས་པ་དང་། མཚོན་ཆའི་ཆར་པ་སུས་ཀྱང་མ་བབས་པར་རང་བབས་ནས། ལུས་ལ་ན་ཚའི་སྡུག་བསྔལ་གྱིས་སྒྲ
293a3 འབྱིན་ནོ།། དེ་ལྟ་བུའི་སྡུག་བསྔལ་གྱི་ཚེ་ཚད་ནི། བསྐལ་པ་སྟོང་ཕྲག་གསུམ་དུ་གནས་ཤིང་སྦྱང་བར་འགྱུར་རོ།། དེ་ལས་ཀྱི་རྣམ་པར་སྨིན་པ་གང་སྤྱད་པ་ལ་ལས་བྱུང་ཞེ་ན། གང་ཟག་སྐྱེ་བོར་སྐྱེས་པའི་ཚེ། ཟས་དང
293a4 ནོར་ལ་རྟག་ཏུ་རེ་བས། ཆགས་ཤིང་བརྐམ་པའི་ལས་བྱས་པ་དང་། གཞན་གྱི་ནོར་རང་གིས་འདོད་པའི་ཕྱིར་སྲོག་དང་ཕྲལ་བ་ལ་སོགས་པ་དང་། གང་ཟག་ཆོས་ཀྱི་རྗེས་སུ་འབྲངས་པ་ཡིན་ན་ཡང་། ང་ནི་མཐུ་ཆེ་བ
293a5 ཡིན་ནོ།། ང་ནི་རྩལ་ཆེ་བ་ཡིན་ནོ།། ཞེས་ཆེ་བའི་ངག་འདོན་ཆེར་བྱེད་ཅིང་། བདག་རྟག་པ་དང་གནས་པར་འཛིན་པ་རྣམས། ལས་ཀྱི་དབང་གིས་གནས་དེར་སྐྱེས་ནས། ཤིན་ཏུ་སྡུག་བསྔལ་ཞིང་སྙིང་རྗེ་བར་གནས
293a6 སོ།། དེ་ལྟ་བུའི་དམྱལ་བའི་གྲངས་ཀྱང་དམྱལ་བ་འོད་ཀྱང་བསྟན་སར་ཟད་ཀྱི། རྩ་བའི་གཏོར་མའི་དོན་འདི་མ་ཉན་པས། བདག་ཉིད་ཀྱི་རུང་ན་གྲངས་བསམ་གྱིས་མི་ཁྱབ་པར་དམྱལ་བ་འབུམ་ཕྲག་སྙེད་འཁོད
iiif viewer powered by OpenSeadragon
