| e-texts navigator |
| Wylie |
292b1 བརྩེ་བས་ངུ་སྐད་ཀྱིས་འབོད་པ་ལ་སོགས་པས་ཤིན་ཏུ་ཉོན་མོངས་པའི་ཚེ་ཚད་ནི། བསྐལ་པ་སྟོང་ཕྲག་ཉི་ཤུར་གནས་ཤིང་སྦྱང་བར་འགྱུར་རོ།། དེ་ལས་ཀྱི་རྣམ་པར་སྨིན་པ་གང་སྤྱད་པ་ལས་བྱུང་ཞེ་ན། རྩ་བའི
292b2 གཏོར་མ་མ་ཐོས་པས། གང་ཟག་སྐྱེ་བོའི་ལས་བྱེད་པ་ན། རི་དྭགས་ལ་སོགས་པ་སེམས་ཅན་མང་པོ་འདོད་ཅིང་གསོད་པ་དང་། གང་ཟག་དམ་པའི་ཆོས་བྱེད་པ་ན་ཡང་། ལུས་རབ་ཏུ་བྱུང་བའི་ལུས་སུ་བསྒྱུར་ནས།
292b3 སེམས་ཅན་མང་པོ་ལ་མི་ཐེག་པར་བསྐལ་ནས་བརྡུངས་པ། འཐག་པ་འདོད་པ་དང་གསོད་པ་དང་། གཡོ་དང་། སྐུ་དང་། ཐབས་དང་། བསླུ་བ་ལ་སོགས་པའི་ཉོ་ཚོང་གི་རྣམ་པར་སྨིན་པས་གནས་དེར་སྐྱེས་ནས།
292b4 ཤིན་ཏུ་སྡུག་བསྔལ་གྱིས་སྙིང་རྗེ་བར་གནས་སོ།། དེ་ལ་འབྲོས་པའི་དམྱལ་བ་གང་ཞེ་ན། ཤིན་ཏུ་གསོད་ལ་དགའ་བའི་གནས་ན། གཤིན་རྗེ་ཕག་ཤན་ཆེན་པོས་མགོ་ནས་བཟུང་ནས། རྐེད་པ་དང་སྐེ་དང་རྐང་པ་དང
292b5 གསུམ་དུ་བཏུབ་ནས། བསད་དེ་ཟོས་པ་དང་། ཤི་མ་ཟག་ཏུ་ལུས་གཅིག་ཏུ་བླང་སྟེ་སོས་པ་ལ་སོགས་པ་ཡང་ཤི་ཡང་སོས་ཀྱིས་སྡུག་བསྔལ་བའི་ཚེ་ཚད་ནི། བསྐལ་པ་སྟོང་ཕྲག་བཅོ་ལྔར་གནས་ཤིང་སྦྱང་བར་འགྱུར
292b6 རོ།། དེ་ལས་ཀྱི་རྣམ་པར་སྨིན་པ་གང་སྤྱད་པ་ལས་བྱུང་ཞེ་ན། རྩ་བའི་གཏོར་མ་མ་ཐོས་པས། བྲོས་པས་ཐར་བར་རེ་བས། གང་ཟག་སྐྱེ་བོར་སྐྱེས་པ་ན། གཙུག་ལག་ཁང་དང་མཆོད་རྟེན་གྱི་དཀོར་བརྐུས་ནས་བྲོས
iiif viewer powered by OpenSeadragon
