| e-texts navigator |
| Wylie |
28b1 སྟེ།། གཟུགས་ལ་ཕབ་སྟེ་སྒྲོག་གིས་བཅིངས།། དེ་ནས་མངོན་སུམ་གྱུར་པ་དང་།། ལྕེ་པོག་ནག་པོའི་དུད་པས་བདུག། འགོ་བའི་ལྷ་དང་ཕྲལ་བ་གཅེས།། དེའི་ལུས་ཚ་བ་བསྐྱེད་པའི་ཕྱིར།། ལུས་ནད་སྐྱེ་ཚེ་དུག་གིས
28b2 བཀང་།། རྡོ་རྗེ་དྲག་པོའི་ཕུར་པ་འདིས།། ལྟེ་བ་སྙིང་མགྲིན་དཔུང་འགོ་དང་།། གསང་གནས་ཡན་ལག་ལྔ་ལ་གདབ།། ཡུངས་ཀར་མཚོན་ཆའི་ཆར་ནི་དབབ།། དེ་ནས་མཚན་མའི་དངོས་གཞི་དེ།། དྲག་པོ་ཧོམ་གྱི
28b3 དཀྱིལ་འཁོར་དུ།། ཚེར་མ་ཅན་གྱི་མེ་སྦར་ཏེ།། མཚོན་ཆ་རབ་ཏུ་རྣོན་པོ་ཡིས།། རྐང་པ་གཡས་གཡོན་གང་ཡིན་ནས།། རྡུལ་དུ་གཏུབ་ཅིང་བསྲེག་སྦྱང་བྱ།། ལྷ་ཡི་ཚོགས་ལ་ཐིམ་པར་དབུལ།། སངས་རྒྱས་ཉིད་ཀྱང
28b4 འཇིག་གྱུར་ན།། འཇིག་རྟེན་པ་ལྟ་སྨོས་ཅི་དགོས།། ཞེས་གསུངས་སོ།། རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། དྲག་པོའི་དཀྱིལ་འཁོར་བསྟན་པའི་ལེའུ
28b5 སྟེ་བརྒྱད་པའོ།། །། དེ་ནས་བཅོམ་ལྡན་འདས་གསང་བ་མཆོག་གི་བདག་པོས་དེ་དག་གི་སྔགས་དང་ཕྱག་རྒྱ་རྣམས་བཤད་དོ།། ཨོཾ་ཤྲཱི་བཛྲ་ཀྲོ་དྷ་ཀུ་མཱ་ར་རཀྵ་ཧཱུཾ། ཁྲོས་པའི་སྟབས་སུ་གནས་ནས་སུ།། ལག
28b6 གཡས་རྡོ་རྗེ་འདོགས་པ་ལས།། ལག་གཡོན་ཕུར་པ་འདེབས་ཚུལ་དུ།། བརྐྱང་བསྐུམ་ཚུལ་དུ་གནས་བྱས་པ།། ཁྲག་འཐུང་ཆེན་པོའི་ཡིན་པར་བཤད།། སྔགས་དང་ཕྱག་རྒྱ་འདི་ཡིས་ནི།། སངས་རྒྱས་རྡོ་རྗེ་འཛིན་པ
iiif viewer powered by OpenSeadragon
