| e-texts navigator |
| Wylie |
28a1 ནི།། ཁྲོས་པ་དྲག་པོའི་རྣལ་འབྱོར་བྱ།། དབང་ལྡན་ཕྱོགས་ཀྱི་གྲ་ལ་ཡང་།། བྲུབ་ཁུང་ལས་ཀྱི་དཀྱིལ་འཁོར་ནི།། ཧོམ་ཁུང་དྲག་པོའི་དབྱིབས་འདྲ་བ།། རྩེ་མོ་ལྷོ་ཡི་ཕྱོགས་སུ་བསྟན།། ཧཱུཾ་དང་ཕཊ་ཀྱིས
28a2 བསྐོར་བར་བྱ།། དུས་ལ་བབ་པའི་སེམས་ཅན་དེ།། ལས་ལ་བབ་པའི་རྣལ་འབྱོར་པས།། མཚན་མ་མིང་དུ་བཅས་པར་བྱ།། མགོ་ནི་ལྷོ་ནུབ་མཚམས་སུ་བསྟན།། རྐང་པ་བྱང་ཤར་མཚམས་སུ་བསྟན།། ཧོམ་ཁུང་ནང
28a3 དུ་གཞག་པར་བྱ།། ཁྲོ་བོའི་ཕུར་པ་མང་པོ་ཀུན།། གྲཝ་ཡི་ཕྱོགས་སུ་སྤུངས་ཏེ་བཞག། དེ་ནས་གདེང་ལྡན་རྣལ་འབྱོར་དེས།། རྡོ་རྗེ་དབྱུག་པ་བླངས་ནས་སུ།། ཁྲག་འཐུང་ཚོགས་ཀྱི་སྤྲིན་ཕུང་རྣམས།། རྡོ་རྗེའི་གཡབ
28a4 མོས་སྤྱན་དྲངས་ཏེ།། གཉིས་མེད་བརྟན་པར་དམིགས་ནས་ནི།། རྨད་དུ་བྱུང་བའི་མཆོད་པ་བརྩམ།། འདོད་པའི་ཡོན་ཏན་ལྔ་ཡིས་མཆོད།། མཉེས་ནས་ཉེ་བར་བསྒྲུབ་པ་དང་།། རྡོ་རྗེ་སློབ་དཔོན་བརྙས་བྱེད
28a5 དང་།། བླ་མ་སྤུན་ལ་འཁུ་བྱེད་དང་།། གསང་བའི་ཐེག་པ་སྨོད་པ་དང་།། སངས་རྒྱས་བསྟན་པ་འཇིག་པ་དང་།། རྒྱལ་ཁམས་ཡོངས་སུ་གནོད་པ་དང་།། རྣལ་འབྱོར་སྤྱི་ཡི་དགྲར་གྱུར་ལ།། བརྣག་པའི་ནན་ཏུར་བྱ་བ
28a6 ནི།། ཁྲོ་བོ་སུམ་བྷའི་སྦྱོར་བའམ།། ཡང་ན་ལྕགས་ཀྱུའི་རྣལ་འབྱོར་གྱིས།། ཉིན་མཚན་དགུང་ལ་རང་བཀུག་སྟེ།། དེ་ཡི་རྣམ་ཤེས་རླུང་འདྲ་བ།། མཚན་མ་མིང་དུ་བཅས་པ་ལ།། སྲིན་བུ་མེ་ཁྱེར་འདྲར་བཅུག།
iiif viewer powered by OpenSeadragon
